અંતે…અટકળો સાચી પડી, પ્રશાંત કિશોરે જન સુરાજ નામક રાજકીય પાર્ટીની કરી શરૂઆત

આજથી બિહારના રાજકારણમાં એક નવો પક્ષ સત્તાવાર રીતે અસ્તિત્વમાં આવ્યો છે. પ્રશાંત કિશોરે પાર્ટીનું નામ જન સૂરાજ રાખ્યું છે.  આ દરમિયાન લોકોની ભારે ભીડ જોવા મળી હતી. પીકેએ જય બિહારના નારા લગાવ્યા.

ચૂંટણી રણનીતિકારમાંથી રાજકારણી બનેલા પ્રશાંત કિશોરે આખરે પાર્ટીનું નામ જન સૂરાજ જાહેર કર્યું છે. આ નામથી જ પાર્ટીનું નામ ચૂંટણી પંચમાં નોંધવામાં આવશે. આ દરમિયાન પીકેએ બધાની સાથે જય બિહારના નારા લગાવ્યા હતા. પ્રશાંત કિશોરના આ કાર્યક્રમમાં ભારે ભીડ એકઠી થઈ હતી, જેને જોઈને પીકે પણ ભાવુક જોવા મળ્યા હતા.

પ્રશાંત કિશોરે કહ્યું કે જન સુરાજ નામથી જ પાર્ટીનું નામ ચૂંટણી પંચમાં નોંધવામાં આવશે. તેમણે લોકોની સહમતિ બાદ પાર્ટીના નામની જાહેરાત કરી છે. સમાજવાદીઓ, ડાબેરીઓ, જમણેરીઓ, ગાંધીવાદીઓ અને આંબેડકરને માનનારા તમામ લોકો જન સૂરાજની વિચારધારામાં એક થયા છે.

પ્રશાંત કિશોરે કહ્યું કે, તમે તમારા બાળકોના ભવિષ્ય માટે અત્યાર સુધી ક્યારે મત આપ્યો છે? તમારા બાળકનો ચહેરો જુઓ અને બોલો. 5 કિલો અનાજ માટે મોદીજીના નામ પર મત આપ્યો. લાલુ પ્રસાદ પર કટાક્ષ કરતા પ્રશાંત કિશોરે કહ્યું કે લાલુના સમર્થકો કહે છે કે તેમના શાસનમાં ગરીબોને બોલવાનો અધિકાર આપવામાં આવ્યો હતો. પ્રશાંત કિશોરે જન સૂરાજના કાર્યકરોને પૂછ્યું કે શું મંદિરના નામે, અનાજના નામે, વીજળીના નામે, ગુજરાતના વિકાસના નામે વોટ કર્યા? આ બધું થઈ ગયું. શું તમે ક્યારેય તમારા બાળકના ભવિષ્ય માટે મત આપ્યો છે? આ અંગે જન સૂરાજ પાર્ટી પોતાનું અભિયાન ચલાવી રહી છે.

Read Also Amit Shah Criticizes Kharge’s Statement About PM Modi