અમેરિકાના પૂર્વ રાષ્ટ્રપતિ ડોનાલ્ડ ટ્રમ્પની ટ્રમ્પ ઓર્ગેનાઈઝેશને તાજેતરમાં T1 નામે એક નવો સ્માર્ટફોન લોન્ચ કર્યો છે. શરૂઆતમાં આ ફોનને લઈને સોશિયલ મિડિયા અને ટેક્નોલોજી જગતમાં ભારે ચર્ચા હતી. તેને “Made in USA” એટલે કે “અમેરિકામાં બનેલો” ફોન કહીને રજૂ કરવામાં આવ્યો હતો.
‘Made in USA’ ટેગ હટાવ્યો
હવે આવી વિગતો સામે આવી રહી છે કે ટ્રમ્પ ઓર્ગેનાઈઝેશને પોતાની ઓફિશિયલ વેબસાઈટ પરથી “Made in USA” લખેલું ટેગ શાંત રીતે હટાવી દીધું છે. હવે ત્યાં લખાયેલું છે – “પ્રેમિયમ પરફોર્મન્સ, પ્રાઉડલી અમેરિકન”. એટલે કે હવે એવું લાગી રહ્યું છે કે ફોન આખો અમેરિકામાં બનાવ્યો જ ન હોય, કદાચ માત્ર ત્યાં ડિઝાઈન થયો હોય.
ફોનના સ્પેસિફિકેશનમાં ફેરફાર
શરૂઆતમાં કંપનીએ કહ્યું હતું કે ફોનમાં 6.78 ઇંચનું AMOLED ડિસ્પ્લે હશે, પણ હવે વેબસાઈટ પર જોવા મળે છે કે ડિસ્પ્લેનું માપ માત્ર 6.25 ઇંચ બતાવ્યું છે.
એજ રીતે પહેલા જણાવવામાં આવ્યું હતું કે ફોનમાં 12 GB RAM હશે, પરંતુ હવે રેમની કોઈ વિગતો જ વેબસાઈટ પર નથી.
આ બદલાવને કારણે લોકોમાં શંકા ઊભી થઈ છે કે શું આ બધું પહેલાથી જ યોજાયેલું નાટક હતું?
ફોનની તસવીરો પર પણ શંકા
ટેક નિષ્ણાતોનું કહેવું છે કે શરુઆતમાં જે તસવીરો બતાવવામાં આવી હતી તે ફક્ત એક કોન્સેપ્ટ ડિઝાઇન હોઈ શકે છે. અને હવે જે અસલી ફોન મળશે તે સંપૂર્ણ રીતે અલગ હોઈ શકે છે.
શું T1 ચીનમાં બનાવાયો છે?
જ્યારે આ ફોન લોન્ચ થયો હતો ત્યારે કેટલાક ટેક એક્સપર્ટ્સે કહ્યું હતું કે કદાચ આ ફોન ચીન અથવા ત્રીજા દેશની ફેક્ટરીમાં બનાવાયો હોય. કારણકે એક સ્માર્ટફોનના તમામ ભાગો માત્ર એક જ દેશમાં બનાવવાં બહુ મુશ્કેલ છે.
હવે પ્રશ્ન એ છે કે જો આ ફોન ખરેખર ચીનમાં બનાવાયો છે, તો પછી ટ્રમ્પ ઓર્ગેનાઈઝેશને “Made in USA” કહીને લોકો સાથે છેતરપિંડી કરી?
વિશેષ તો એ છે કે ડોનાલ્ડ ટ્રમ્પ પોતે ચીન વિરુદ્ધ કઠોર વાણી વાપરતા રહ્યાં છે.
હજુ તો પ્રી-ઓર્ડર ચાલી રહ્યા છે
હાલમાં T1 સ્માર્ટફોન માત્ર પ્રી-ઓર્ડર માટે ઉપલબ્ધ છે. એટલે ખરીદદારોએ હજી ફોન મેળવ્યો નથી, અને એના વિશે સાચી જાણકારી મળવી બાકી છે.
પરંતુ…
જે મોટા મોટા દાવાઓ શરૂઆતમાં કરવામાં આવ્યા હતા, હવે તેમાં ફેરફાર થતા લોકોમાં અવિશ્વાસ ફેલાયો છે.
અત્યારે મોટો સવાલ એ છે:
શું આ બધું માત્ર રાજકીય બ્રાન્ડિંગનો ભાગ છે?
ફોનનો માપ, રેમ અને બનાવટ વિશેના દાવાઓ હવે ધૂંધળા પડી રહ્યા છે – અને લોકોના મનમાં શંકા ઉઠવી સ્વાભાવિક છે.