ઘણીવાર આપણી સાથે એવું પણ બને છે કે, આપણે ઘણીવાર એવા શખ્સને ભટકાઈ જઈએ છીએ, જેને આપણે અજાણ્યા સમજીને મિત્રતા કરી લઈએ છીએ. સમય જતા આપણને જાણવા મળે છે, કે તે આપણા જ સગાં-વ્હાલા છે. જેને આપણે ક્યારેય જોયા ન હતા. આવું જ કંઈક એક છોકરી સાથે થયું, જે આવી વ્યક્તિના પ્રેમમાં પડી. પછી જ્યારે તેને સત્ય ખબર પડી તો તે આઘાતમાં સરી પડી.
આ વાત યુવતીએ પોતે સોશિયલ મીડિયા પ્લેટફોર્મ Reddit પર કહી છે. યુવતી યુવકને ઑનલાઈન પ્લેટફોર્મ પર મળી હતી. પછી બંને એકબીજાને ડેટ કરવા લાગ્યા. પછી વાતચીત દરમિયાન કંઈક એવું થયું કે યુવકે તેની સાથે વાત કરવાનું પણ બંધ કરી દીધું. તો ચાલો જાણીએ તેમની આખી કહાની…
ઑનલાઇન યુવકના પ્રેમમાં પાગલ થઈ યુવતી
યુવતીએ પોતાની કહાની જણાવતા લખ્યું છે કે, તે એક ખૂબ જ સરસ છોકરાને ઑનલાઈન મળી હતી. તે ખૂબ જ ક્યૂટ હતો અને ખૂબ જ રસપ્રદ વાત કરતો હતો. યુવતીએ સીરિયલ થઈને તેની સાથે ડેટ કરવાનું શરૂ કર્યું. તેમની વચ્ચે ઘણી વસ્તુઓ સમાન હતી, જેના લીધે બંને એકબીજાને ઓછા સમયમાં પસંદ કરવા લાગ્યા. વાત કરતી વખતે તેને ખબર પડી કે તે તે જ જગ્યાનો છે જ્યાં યુવતીનો આખો પરિવાર રહે છે. જો કે, યુવતી તેના પરિવારથી નજીક ન હોવાથી, તેને આ વિશે જાણી ન શકી, કે આ યુવક તેના પરિવારમાંથી જ છે.
પછી સામે આવી આ હકીકત…
યુવતીએ લખ્યું કે એક રાત્રે વાત કરતી વખતે તેના બોયફ્રેન્ડે તેના એક કઝીન વિશે વાત કરી, જેના પછી યુવતીને ખબર પડી કે તે તેનો ભાઈ પણ છે. આ બધા પછી ગભરાટમાં આવીને યુવીતએ ફોન કાપી નાખ્યો અને ફેસબુક ચેક કર્યું અને જાણવા મળ્યું કે તે જે યુવકને ડેટ કરી રહી હતી તે ખરેખર તેનો પિતરાઈ ભાઈ હતો. યુવતીએ આગળ જણાવ્યું કે, તેને આ બધી વાત જાણવા મળી ગઈ અને તેણે આ સંબંધને ખતમ કરી નાખ્યો.