વિજયની ફિલ્મ GOAT  કમલ હાસનની ‘વિક્રમ’ નો રેકોર્ડ તોડવાની નજીક પહોંચી

થલપતિ વિજય તેની ફિલ્મ GOAT સાથે કમલ હાસનની ફિલ્મ વિક્રમની કુલ કમાણીનો રેકોર્ડ તોડવા જઈ રહ્યો છે. આ ફિલ્મે 13 દિવસમાં દુનિયાભરમાં કરેલ કલેકશન વિશે અને ફિલ્મ ‘વિક્રમ’નો રેકોર્ડ ક્યારે તોડશે તેના વિશે વાંચો વિગતવાર.

વિજય થલપતિની બીજી છેલ્લી ફિલ્મ ‘ગ્રેટેસ્ટ ઓલ ઓફ ટાઈમ‘ (GOAT) એ બોક્સ ઓફિસ પર 13 દિવસ પૂરા કર્યા છે. ફિલ્મ ગોટ 12મા દિવસે 400 કરોડના ક્લબમાં સામેલ થઈ ગઈ છે.

હવે 13મા દિવસે ફિલ્મની કમાણીમાં ઉછાળો આવ્યો છે. 5 સપ્ટેમ્બરે રિલીઝ થયેલી ગોટ હજુ પણ દર્શકોને થિયેટરમાં આકર્ષવામાં સફળ રહી છે. આ ફિલ્મ તાજેતરમાં જ ડોમેસ્ટિક બોક્સ ઓફિસ પર રૂ. 200 કરોડના ક્લબમાં સામેલ થઈ છે.

Sacknilk અનુસાર, ફિલ્મે 12મા દિવસની સરખામણીએ 13મા દિવસે વધુ કમાણી કરી છે. 12મા દિવસે 6.50 કરોડ રૂપિયા અને 13મા દિવસે 6.94 કરોડ રૂપિયાનો બિઝનેસ કર્યો છે. ફિલ્મ  કુલ ડોમેસ્ટિક કલેક્શન 226.87 કરોડ રૂપિયા પર પહોંચી ગયું છે.

વિજયની ફિલ્મનો જાદુ વિદેશોમાં પણ ચાલી રહ્યો છે. આ ફિલ્મે દુનિયાભરમાં 400 કરોડ રૂપિયાનો આંકડો પાર કરી લીધો છે. આ ફિલ્મ વર્ષ 2024માં 400 કરોડ રૂપિયાની કમાણી કરનાર પ્રથમ તમિલ ફિલ્મ બની ગઈ છે. ફિલ્મનું કુલ વર્લ્ડવાઈડ કલેક્શન લગભગ 407 કરોડ રૂપિયા છે. લીઓ પછી ગોટ વિજયની 400 કરોડની કમાણી કરનાર બીજી ફિલ્મ છે. તે જ સમયે, રૂ. 400 કરોડની ક્લબમાં, 2.0 (રૂ. 745 કરોડ), લીઓ (રૂ. 606 કરોડ), રજનીકાંતની જેલર (રૂ. 604.50 કરોડ), ચિયાન વિક્રમની પોનીયિન સેલવાન 1 (રૂ. 488 કરોડ) અને કમલ હાસનની (રૂ. 488 કરોડ) 414.50 કરોડ) જોડાયા છે. આ સાથે જ આ ફિલ્મ આજે કે કાલે કમલ હાસનની ફિલ્મ વિક્રમનો રેકોર્ડ તોડવા જઈ રહી છે.