ઓરમેક્સ મીડિયાની મોસ્ટ પોપ્યુલર સ્ટાર્સની યાદીમાં વિજય અને સામંથા ટોપ પર

આ વખતે સાઉથ ફિલ્મ ઈન્ડસ્ટ્રીએ ઓરમેક્સ મીડિયાની મોસ્ટ પોપ્યુલર સ્ટાર્સ સ્ટાર્સની યાદીમાં કબજો જમાવ્યો છે. પોપ્યુલર સ્ટાર્સની યાદીમાં વિજય અને સામંથા ટોપ પર છે. આ સાઉથ ઈન્ડિયન સ્ટારે શાહરૂખ, પ્રભાસ, આલિયાની લોકપ્રિયતાને પાછળ રાખી દીધી છે.    

ઓરમેક્સ મીડિયાએ ઓગસ્ટ 2024 માટે ભારતમાં સૌથી વધુ લોકપ્રિય સ્ટાર્સની યાદી બહાર પાડી છે. આ વખતે સૌથી લોકપ્રિય સ્ટાર્સની યાદીમાં સાઉથના સ્ટાર્સે ટોપ પર કબજો જમાવ્યો છે. આ પહેલા આલિયા ભટ્ટે મહિલા સ્ટાર તરીકે બધાને હરાવ્યા હતા અને પ્રભાસે મેલ સ્ટાર તરીકે બધાને હરાવ્યા હતા.

ઉલ્લેખનીય છે કે અત્યારે સાઉથ સુપર સ્ટાર થલપતિ વિજયની ફિલ્મ ગોટ બોક્સ ઓફિસ પર સારું પ્રદર્શન કરી રહી છે. આ ફિલ્મ 5મી સપ્ટેમ્બરના રોજ રીલિઝ થઈ હતી અને તે હજુ પણ ધમાલ મચાવી રહી છે.

સામંથા રૂથ પ્રભુ ફિલ્મ ‘પુષ્પા‘માં આઈટમ સોંગથી ઘણી ફેમસ થઈ હતી. આ પછી સામંથા બોલિવૂડ અને સાઉથના ઘણા પ્રોજેક્ટ્સમાં જોવા મળી છે. હવે સામંથાની બોલિવૂડ એક્ટર વરૂણ ધવન સાથે હની-બન્ની સિરીઝ સમાચારમાં છે. આ સિરીઝ નવેમ્બરમાં રિલીઝ થવા જઈ રહી છે.