નેપાળમાં ભૂસ્ખલનમાં મૃતાંક ૧૭૦ને પાર કરી ગયો, હજૂ પણ મૃતદેહો મળી રહ્યા છે

નેપાળમાં પૂર અને ભૂસ્ખલનને કારણે મૃત્યુઆંક વધી રહ્યો છે. ભારે વરસાદ, વિનાશક પૂર અને ભૂસ્ખલનને કારણે  મૃત્યુઆંક વધીને 170 થઈ ગયો છે. રાહત અને બચાવ કામગીરી યુદ્ધના ધોરણે ચાલી રહી છે. આ કામગીરીમાં મૃતદેહો મળી રહેતા હોવાને લીધે મૃત્યુઆંક વધવાની શક્યતા છે.

નેપાળમાં ભારે વરસાદને કારણે પૂરના કારણે અનેક વિસ્તારો પાણીમાં ડૂબી ગયા છે. ભૂસ્ખલનથી તૂટી ગયેલા અનેક રસ્તાઓ પર કાટમાળનો ઢગલો છે. નેપાળ આર્મી, આર્મ્ડ પોલીસ ફોર્સ, નેપાળ પોલીસ – રાહત કામગીરી માટે સાથે મળીને કામ કરી રહી છે. અત્યાર સુધી કુલ મૃત્યુઆંક ૧૭૦ને પાર કરી ગયો છે.

ત્રિભુવન હાઇવે પરનો 6.8 કિલોમીટર લાંબો રોડ સેક્શન ભૂસ્ખલનને કારણે બંધ છે. હાઇવે પર હજારો વાહનો ફસાયા છે. પહાડી પરથી નીચે આવેલા ભૂસ્ખલનના કારણે અનેક વાહનો કાટમાળ નીચે દટાયા હતા. રાહત બચાવ કામગીરી ચાલી રહી છે.

કાટમાળમાંથી મૃતદેહોને બહાર કાઢવામાં આવી રહ્યા છે. કાટમાળ નીચે અનેક બસો દટાઈ જવાની આશંકા છે. હોસ્પિટલોમાં ઘાયલોની ભીડ છે. મૃતદેહોને પોસ્ટમોર્ટમ માટે રાજધાની કાઠમંડુ લઈ જવામાં આવી રહ્યા છે અને પરિવારજનોને સોંપવામાં આવી રહ્યા છે.

કાઠમંડુ અને ધાડિંગ પોલીસની સંયુક્ત ટીમ કાટમાળમાંથી મૃતદેહોને શોધીને શોધી રહી છે. રાહત કામગીરીમાં રોકાયેલા લોકો આપત્તિના સ્થળો પર ચોવીસ કલાક કામ કરી રહ્યા છે.

Read Also Will Palestine’s Name Disappear? Netanyahu Shows Maps at UNGA Without Palestine