દેશના મોસ્ટ એલિજિબલ બેચલર પોલિટિશિયન ચિરાગ પાસવાને પોતાના લગ્ન પર આપ્યું નિવેદન, ચિરાગ છે ૪૨ વર્ષના
કેન્દ્રીય મંત્રી અને એલજેપી પ્રમુખ ચિરાગ પાસવાન ક્યારે લગ્ન કરી રહ્યા છે? આ પ્રશ્ન ખૂબ ચર્ચામાં છે. જ્યારે ચિરાગ પાસવાનને આ સવાલ પૂછવામાં આવ્યો તો તેણે આ અંગે ખુલીને કંઈપણ કહેવાનો ઈન્કાર કરી દીધો. જો કે તેઓ લગ્ને બદલે રાજકારણને પ્રાધાન્ય આપે છે તેમ જણાવ્યું હતું. રાજકારણમાં રહેલા તેમના સગા અને જમુઈના સાંસદ અરુણ ભારતીએ પણ ચિરાગના લગ્નને લઈને સ્પષ્ટ કંઈપણ કહેવાનો ઇનકાર કર્યો હતો.
તમે 42 વર્ષના છો, તમે ક્યારે લગ્ન કરી રહ્યા છો? પ્રશ્ન સાંભળીને ચિરાગ પાસવાનના ચહેરા પર ગુલાબી સ્મિત જોવા મળ્યું હતું. કેન્દ્રીય ફૂડ પ્રોસેસિંગ ઉદ્યોગ મંત્રી અને લોકજન શક્તિ પાર્ટી (રામ વિલાસ)ના રાષ્ટ્રીય અધ્યક્ષ ચિરાગ પાસવાન દેશના પ્રખ્યાત રાજકારણી અને મોસ્ટ એલિજિબલ બેચલર પણ છે. દરરોજ સોશિયલ મીડિયામાં ચિરાગ પાસવાનના લગ્નની વાતો ફેલાતી રહે છે. ઘણીવાર પ્રેસ કોન્ફરન્સમાં પત્રકારો ચિરાગ પાસવાનને તેના લગ્ન વિશે પ્રશ્નો પણ પૂછે છે.
યુટ્યુબ પર પ્રસારિત એક ઇન્ટરવ્યુમાં, ચિરાગ પાસવાનને ફરી એકવાર તેમના લગ્ન વિશે પ્રશ્નો પૂછવામાં આવ્યા હતા. ચિરાગને પુછવામાં આવ્યું કે, તમે 42 વર્ષના થઈ ગયા છો, ક્યારે લગ્ન કરો છો?’ ચિરાગ પાસવાને પ્રશ્ન સાંભળતા જ તેના ચહેરા પર ગુલાબી સ્મિત દેખાયું. ચિરાગે હસીને માથું નમાવ્યું અને કહ્યું- ‘હે પ્રભુ, આ બધા પ્રશ્નો ન પૂછો, ચાલો રાજકારણ પર પાછા આવીએ‘.
થોડા દિવસો પહેલા એક ઈન્ટરવ્યુમાં જમુઈના એલજેપી (આર) સાંસદ અને ચિરાગ પાસવાનના સંબંધી અરુણ ભારતીએ પણ તેમના લગ્ન અંગેના સવાલનો જવાબ આપ્યો હતો. અરુણ ભારતીએ જણાવ્યું હતું કે જ્યારે ચિરાગ 2014માં પહેલીવાર સાંસદ બન્યા ત્યારે પરિવારમાં તેમના લગ્નની ચર્ચા હતી. પરંતુ થોડા દિવસો પછી રામવિલાસ પાસવાનની તબિયત બગડી. એ પછી 2019ની લોકસભાની ચૂંટણી આવી. દરમિયાન રામવિલાસ પાસવાનનું અવસાન થયું.
અરુણ ભારતીએ કહ્યું કે છેલ્લા 10-15 વર્ષથી ચિરાગ પાસવાન અને તેનો પરિવાર લગ્ન જેવા સંવેદનશીલ મામલા વિશે વિચારવા માટે થોડાક પણ સ્થિર નથી થઈ શક્યા. જો કે, તેણે કહ્યું કે પરિવારના સભ્યોએ નક્કી કર્યું છે કે 2025ની બિહાર વિધાનસભા ચૂંટણી પછી પરિવારના તમામ સભ્યો સાથે મળીને ચિરાગને લગ્ન માટે તૈયાર કરવાનો પ્રયાસ કરશે.
Join our WhatsApp Channel
