રામવિલાસ પાસવાનની મુર્તિ તુટયા બાદ પુત્ર ચિરાગ પાસવાનને અપાઈ Z કેટેગરીની સુરક્ષા

કેન્દ્રીય મંત્રી ચિરાગ પાસવાનની સુરક્ષા વધારી દેવામાં આવી છે. તેમને Z શ્રેણીની સુરક્ષા મળી છે. હવે તેમની સુરક્ષા માટે CRPF કમાન્ડો તૈનાત કરવામાં આવશે. દિવંગત નેતા રામવિલાસ પાસવાનની પ્રતિમા તોડી પાડવામાં આવ્યા બાદ આ નિર્ણય લેવામાં આવ્યો છે.

કેન્દ્રીય મંત્રી ચિરાગ પાસવાનને હવે Z શ્રેણીની સુરક્ષા મળી છે. તેમના પિતા સ્વર્ગસ્થ રામવિલાસ પાસવાનની પ્રતિમા તોડી પાડવામાં આવ્યાના ૨ દિવસ બાદ આ નિર્ણય લેવામાં આવ્યો છે. અગાઉ તેમની સુરક્ષા માટે SSB કમાન્ડો તૈનાત હતા, પરંતુ હવે CRPF ટીમ તેમની સુરક્ષા સંભાળશે.

હવે ચિરાગ પાસવાનને કુલ 33 સુરક્ષાકર્મીઓ ચિરાગ પાસવાનને સુરક્ષા આપશે. તેમાંથી 10 સશસ્ત્ર સુરક્ષાકર્મીઓ હંમેશા તેમના નિવાસસ્થાને તૈનાત રહેશે. આ સિવાય 6 PSO (પર્સનલ સિક્યુરિટી ઓફિસર્સ) ચોવીસ કલાક તેમની સુરક્ષા કરશે. સુરક્ષામાં ત્રણ શિફ્ટમાં 12 કમાન્ડો, સર્વેલન્સ માટે બે કમાન્ડો અને ત્રણ પ્રશિક્ષિત ડ્રાઇવરોનો પણ સમાવેશ કરવામાં આવશે.

કેન્દ્રીય ગૃહ મંત્રાલય દ્વારા ચિરાગ પાસવાનને Z શ્રેણીની સુરક્ષા આપવામાં આવી છે. અગાઉ SSB કમાન્ડો તેમને સુરક્ષા પૂરી પાડતા હતા. હવે CRPF સુરક્ષા આપશે ચિરાગ પાસવાનની પ્રતિમા તોડી પાડ્યા બાદ તેમની સુરક્ષા વધારી દેવામાં આવી છે.

ઉલ્લેખનીય છે કે, ચિરાગ પાસવાન હાલમાં ફૂડ પ્રોસેસિંગ ઇન્ડસ્ટ્રીઝ મંત્રાલય વતી ફ્રાન્સની 4 દિવસની સત્તાવાર મુલાકાતે છે. અટારી વિધાનસભા ક્ષેત્રમાં રાત્રે કેટલાક અજાણ્યા લોકોએ રામવિલાસ પાસવાનની પ્રતિમાના બંને હાથ તોડી નાખ્યા હતા અને ચહેરાને પણ નુકસાન પહોંચાડ્યું હતું. આ ઘટનાથી એલજેપી (રામ વિલાસ)ના નેતાઓ નારાજ છે. તેઓ તેને રાજકીય ષડયંત્ર ગણાવી રહ્યા છે.

Read Also Karnataka Day: Government Orders Schools, Colleges, and Companies to Hoist Kannada Flag on November 1