કટોકટીની સુવર્ણ જયંતિ પર NDA કોંગ્રેસને આડે હાથ લેશે,NDAના મુખ્યમંત્રીઓની બેઠકમાં લેવાયો નિર્ણય

ચંદીગઢમાં બીજેપીની આગેવાની હેઠળની એનડીએની મુખ્યમંત્રી પરિષદની બેઠક યોજાઈ હતી. ઈમરજન્સીની 50મી વર્ષગાંઠને લઈને કોંગ્રેસ પર સીધો હુમલો કરવામાં આવશે તેવું નક્કી કરવામાં આવ્યું હતું. આ બેઠકમાં વડાપ્રધાન નરેન્દ્ર મોદી અને અન્ય મુખ્ય નેતાઓએ ભાગ લીધો હતો. આ બેઠક મહારાષ્ટ્ર અને ઝારખંડ વિધાનસભા ચૂંટણી પહેલા થઈ હતી.

મહારાષ્ટ્ર અને ઝારખંડમાં વિધાનસભા ચૂંટણીની જાહેરાત થતાની સાથે જ દેશનું રાજકારણ ગરમાયું છે. આગામી ચૂંટણીને ધ્યાનમાં રાખીને કોંગ્રેસને ઘેરવા માટે ભાજપે ખાસ પ્લાન તૈયાર કર્યો છે. કોંગ્રેસને નિશાન બનાવવા માટે ભાજપ ઈમરજન્સીની 50મી વર્ષગાંઠનો લાભ ઉઠાવશે.

ચંદીગઢમાં એનડીએના મુખ્યમંત્રીઓની બેઠકમાં આ મુદ્દા પર ચર્ચા કરવામાં આવી હતી. આ બેઠકમાં વડાપ્રધાન મોદી, કેન્દ્રીય મંત્રી અમિત શાહ અને રાજનાથ સિંહે પણ હાજરી આપી હતી. આ દરમિયાન પીએમ મોદીએ મુખ્યમંત્રીઓની બેઠકમાં કોંગ્રેસ પર આકરા પ્રહારો કર્યા હતા. તેમણે કહ્યું કે તેમની વિચારસરણી ભાગલા પાડો અને રાજ કરો.

મહારાષ્ટ્ર અને ઝારખંડમાં વિધાનસભાની ચૂંટણી પહેલા ચંદીગઢમાં યોજાયેલી એનડીએની બેઠકમાં ભાજપે 1975માં લાદવામાં આવેલી ઈમરજન્સીની 50મી વર્ષગાંઠની ઉજવણી કરીને કોંગ્રેસને ઘેરવાની રણનીતિ બનાવી છે. જેમાં ભાજપના નેતૃત્વ હેઠળના NDAના મુખ્યમંત્રીઓએ વિકાસના મુદ્દાઓ, બંધારણના ‘અમૃત મહોત્સવ‘ અને ‘લોકશાહીની હત્યાના પ્રયાસ‘ની 50મી વર્ષગાંઠ પર ચર્ચા કરી હતી.

ભાજપ 1975માં લાદવામાં આવેલી ઈમરજન્સીને ‘લોકશાહીની હત્યાનો પ્રયાસ‘ ગણાવે છે. આ બેઠકમાં વડાપ્રધાન નરેન્દ્ર મોદી અને કેન્દ્રીય મંત્રી અમિત શાહ, રાજનાથ સિંહ અને બીજેપી અધ્યક્ષ જેપી નડ્ડાએ હાજરી આપી હતી. આંધ્ર પ્રદેશના મુખ્ય પ્રધાન એન ચંદ્રબાબુ નાયડુ, નાયબ મુખ્ય પ્રધાન પવન કલ્યાણ, મહારાષ્ટ્રના મુખ્ય પ્રધાન એકનાથ શિંદે, બંને નાયબ મુખ્ય પ્રધાન દેવેન્દ્ર ફડણવીસ અને અજિત પવાર પણ બેઠકમાં હાજર રહ્યા હતા.

Read Also Nayab Singh Saini Chosen as Leader of Haryana BJP Legislative Party, Amit Shah Present