૨૦૦૪ની સુપરહિટ ફિલ્મ ‘ઐતરાઝ’ની સિક્વલ બનાવશે સુભાષ ઘાઈ, ઈન્સ્ટાગ્રામ પર કરી જાહેરાત

ફિલ્મ નિર્માતા સુભાષ ઘાઈએ તેમની સુપરહિટ ફિલ્મ ‘ઐતરાઝ’ની સિક્વલ ‘ઐતરાઝ 2’ની જાહેરાત કરી છે. તેમણે ઈન્સ્ટાગ્રામ પર ‘ઐતરાઝ’માંથી પ્રિયંકા ચોપરાની એક તસવીર શેર કરી અને કહ્યું કે મુક્તા આર્ટસ ત્રણ વર્ષની મહેનત પછી ‘ઐતરાઝ 2’ લઈને આવી રહી છે.

પ્રિયંકા ચોપરા, અક્ષય કુમાર અને કરીના કપૂર ખાન સ્ટારર ફિલ્મ ‘ઐતરાઝ‘ની સિક્વલ ‘ઐતરાઝ 2‘ની જાહેરાત કરવામાં આવી છે. ‘ઐતરાઝ 2‘ ટૂંક સમયમાં સિનેમાના પડદા પર આવશે. આ સમાચાર નિર્માતા નિર્દેશક સુભાષ ઘાઈએ 13 નવેમ્બર બુધવારની સવારે આપ્યા હતા.

સુભાષ ઘાઈએ સોશિયલ મીડિયા પ્લેટફોર્મ ઈન્સ્ટાગ્રામ દ્વારા 2004ની સુપરહિટ ફિલ્મ ‘ઐતરાઝ‘ની ઝલક બતાવી હતી. આ ગ્લોબલ સ્ટાર પ્રિયંકા ચોપરા જોનાસનો ફોટો છે. જેમાં તે સફેદ આઉટફિટમાં જોવા મળી રહી છે.

પોસ્ટમાં પ્રિયંકા ચોપરાના જોરદાર વખાણ કરવામાં આવ્યા અને લખ્યું, ‘બોલ્ડ અને બ્યુટીફુલ પ્રિયંકા ચોપરાએ હિંમત બતાવી અને કરી બતાવ્યું. આ જ કારણ છે કે સિનેમા પ્રેમીઓ 20 વર્ષ પછી પણ ‘ઐતરાઝ‘માં તેણે ભજવેલા પાત્રને ભૂલી શક્યા નથી. ‘ઐતરાઝ‘ મારી મુક્તા આર્ટ્સ દ્વારા બનાવવામાં આવી હતી. પહેલા તો પ્રિયંકા આ પાત્ર ભજવવામાં સંકોચ અનુભવતી હતી, પરંતુ પછી તેણે આ મહિલાનું પાત્ર સંપૂર્ણ આત્મવિશ્વાસ સાથે ખૂબ જ સારી રીતે ભજવ્યું.

જૂની ‘ઐતરાઝ‘ની ક્ષણોને યાદ કર્યા પછી, ફિલ્મ નિર્માતાએ ‘ઐતરાઝ‘ના બીજા પાર્ટની જાહેરાત કરી. તેણે લખ્યું, ‘હવે મુક્તા આર્ટ્સ 3 વર્ષની મહેનત અને એક ઉત્તમ સ્ક્રિપ્ટ સાથે ‘ઐતરાઝ-૨‘ માટે તૈયાર છે. થોડી રાહ જુઓ.‘

Read Also Govinda Injured by Gunshot, Actor Hurt by His Own Gun, Condition Improving