SpaceX એ રચ્યો ઈતિહાસ, સૌથી શક્તિશાળી રોકેટનું સફળતાપૂર્વક કર્યુ લેન્ડિંગ

SpaceX એ તેના સૌથી શક્તિશાળી રોકેટ સ્ટારશિપના બૂસ્ટરનું સફળતાપૂર્વક લેન્ડિંગ કરીને ઇતિહાસ રચ્યો છે. આ સાથે, ભવિષ્યના મિશનમાં કોઈપણ એક રોકેટનો એકથી વધુ વખત ઉપયોગ કરવાનો માર્ગ ખુલી ગયો છે. સ્ટારશિપ રોકેટનું બૂસ્ટર 96 કિમીની ઊંચાઈએથી લોન્ચપેડ પર પરત ફર્યું છે.

SpaceX એ તેનું સૌથી શક્તિશાળી સ્ટારશીપ રોકેટ લોન્ચ કર્યુ અને યાંત્રિક આર્મ્સની મદદથી રિટર્ન બૂસ્ટરને પેડ પર લેન્ડિંગ કર્યું. આશરે 400-ફૂટ (121 મીટર) લાંબી સ્ટારશિપની સફર મેક્સિકોની સરહદ નજીક ટેક્સાસના દક્ષિણ છેડે શરૂ કરવામાં આવી હતી.

SpaceX એ પ્રથમ તબક્કાના બૂસ્ટરને તે જ પેડ પર પાછું લેન્ડ કર્યું જ્યાંથી તે ૭ મિનિટ પહેલા ઉપડ્યું હતું. પ્રક્ષેપણ ટાવરમાં વિશાળ ધાતુના સળિયાઓ લગાવવામાં આવ્યા હતા, જેને ‘ચોપસ્ટિક્સ‘ કહેવાય છે. સ્ટારશિપમાં ૩૩ રેપ્ટર એન્જિન છે.

 કેલિફોર્નિયાના હોથોર્નમાં સ્પેસએક્સના હેડક્વાર્ટરના કેટ ટાઈસે જણાવ્યું હતું કે, મિત્રો, આ એન્જિનિયરિંગ માટે એક ઐતિહાસિક દિવસ છે. સ્પેસએક્સના હોથોર્ન કેલિફોર્નિયામાં સ્પેસએક્સના મુખ્ય મથકે જણાવ્યું હતું કે બૂસ્ટર અને લોન્ચ ટાવર બંને સારી અને સ્થિર સ્થિતિમાં હોવા જોઈએ. આ પ્રક્ષેપણ દરમિયાન, અવકાશમાં ગયેલા સુપર હેવી બૂસ્ટરને પ્રક્ષેપણ સ્થળ પર પાછા લાવવામાં આવ્યું અને ટાવર પર લેન્ડ કરવામાં આવ્યું.

Read Also US Presidential Election: Kamala Harris Asked How to Make a Burger in TV Interview, Gives Surprising Answer