રણબીર કપૂરની રામાયણની પહેલી ઝલક સોશિયલ મીડિયા પર વાયરલ થઈ, ૨૦૨૬ અને ૨૦૨૭ની દિવાળી સાથેના કનેકશન વિશે જાણો

આજે બુધવારે રણબીર કપૂર અને સાઈ પલ્લવીની ફિલ્મ ‘રામાયણ’ના મેકર્સે મોટું અપડેટ આપ્યું છે. આ ફિલ્મ બે ભાગમાં રિલીઝ થશે અને બંને પાર્ટની રિલીઝની જાહેરાત કરવામાં આવી છે. તે દિવાળીના અવસર પર રિલીઝ થશે. આ સિવાય ફિલ્મનો ફર્સ્ટ લુક પણ સામે આવ્યો છે.

રણબીર કપૂરની આગામી ફિલ્મને લઈને આજે બુધવારે એક મોટું અપડેટ સામે આવ્યું છે, જેની ચાહકો આતુરતાથી રાહ જોઈ રહ્યા છે. ડિરેક્ટર નિતેશ તિવારીએ ફિલ્મનું ફર્સ્ટ લૂક પોસ્ટર જાહેર કર્યું છે. પાર્ટ 1 અને પાર્ટ 2 ક્યારે રિલીઝ થશે તેની પણ જાહેરાત કરવામાં આવી છે. આ બંને ફિલ્મો આવતા વર્ષે દિવાળી અને પછી 2027ની દિવાળી પર રિલીઝ થશે.

રણબીર કપૂર છેલ્લા ઘણા મહિનાઓથી ફિલ્મ રામાયણનું શૂટિંગ કરી રહ્યો છે. નિતેશ તિવારીની આ ફિલ્મમાં તે ભગવાન રામનો રોલ કરી રહ્યો છે. સાઉથ એક્ટ્રેસ સાઈ પલ્લવી સીતાના રોલમાં જોવા મળશે. સેટ પરથી બંનેના લુક્સ પણ લીક થયા હતા. હવે મેકર્સ દ્વારા તેનો ફર્સ્ટ લુક અને રિલીઝ ડેટ પણ જાહેર કરવામાં આવી છે.

આ પોસ્ટમાં નમિત મલ્હોત્રાએ લખ્યું છે કે, આ મહાકાવ્ય, જેણે 5000 વર્ષથી વધુ સમયથી અબજો દિલો પર રાજ કર્યું છે, તેને મોટા પડદા પર લાવવાની તૈયારીઓ અમે ૧૦ વર્ષ અગાઉ શરૂ કરી હતી. અને આજે હું તેને સુંદર રીતે આકાર લેતા જોઈને રોમાંચિત છું, કારણ કે અમારી ટીમોએ અથાક મહેનત કરી રહી છે: આપણા ઈતિહાસ, આપણું સત્ય અને આપણી સંસ્કૃતિ – આપણું ‘રામાયણ’ – વિશ્વભરના લોકો સુધી પહોંચાડવા. , એક પવિત્ર અને દૃષ્ટિની અદભૂત અનુકૂલન.

Read Also Is Bachchan Family Ignoring Aishwarya Rai Bachchan? Simi Garewal Reacts