હાઈ પ્રોફાઈલ બની રહી છે રાજસ્થાનની પેટાચૂંટણી, ભાજપ બાદ કોંગ્રેસે પણ ૪૦ સ્ટાર પ્રચારકોની યાદી કરી જાહેર

રાજસ્થાનમાં ૭ વિધાનસભા બેઠકો માટે પેટાચૂંટણી યોજાવાની છે. કોંગ્રેસે તેના સ્ટાર પ્રચારકોની ૪૦ સભ્યોની યાદી જાહેર કરી છે. જેમાં અશોક ગેહલોત, સચિન પાયલટ, ગોવિંદ સિંહ દોતાસરા વગેરેનો સમાવેશ થાય છે. ભાજપે પણ અગાઉ પોતાના ૪૦  સ્ટાર પ્રચારકોની યાદી પણ જાહેર કરી દીધી છે.

રાજસ્થાનમાં યોજાનારી વિધાનસભા પેટાચૂંટણીને ધ્યાનમાં રાખીને રાજકીય ગતિવિધિઓ તેજ થઈ ગઈ છે. રાજ્યમાં ૭ વિધાનસભા બેઠકો પર પેટાચૂંટણી યોજાઈ રહી છે. ભાજપ બાદ કોંગ્રેસે પણ આ પેટાચૂંટણી માટે પોતાના ૪૦ સ્ટાર પ્રચારકોની ફોજ ઉતારી છે.

કોંગ્રેસની આ યાદીમાં ઘણા મોટા અને દિગ્ગજ નેતાઓના નામ સામેલ છે, જેઓ પાર્ટી માટે પ્રચાર કરશે. આ યાદીમાં પૂર્વ મુખ્યમંત્રી અશોક ગેહલોત, સચિન પાયલટ, રાષ્ટ્રીય મહાસચિવ સુખજિંદર સિંહ રંધાવા સહિત ઘણા મોટા નામ સામેલ છે.

કોંગ્રેસ દ્વારા બહાર પાડવામાં આવેલી સ્ટાર પ્રચારકોની યાદીમાં પૂર્વ મુખ્યમંત્રી અશોક ગેહલોત અને રાષ્ટ્રીય મહાસચિવ સચિન પાયલટનું નામ ટોપ-5માં સામેલ છે અને ગહેલોતનું નામ પાંચમા નંબરે છે. આ સિવાય રાષ્ટ્રીય મહાસચિવ સુખજિંદર સિંહ રંધાવા, પ્રદેશ કોંગ્રેસ અધ્યક્ષ ગોવિંદ સિંહ દોતાસરા, વિપક્ષના નેતા ટીકારામ જુલી, રાહુલ ગાંધી, સીપી જોશી અને અન્ય ઘણા મોટા નેતાઓના નામ આ યાદીમાં સામેલ છે.

કોંગ્રેસે તેના સત્તાવાર ટ્વિટર હેન્ડલ પરથી સ્ટાર પ્રચારકોની સંપૂર્ણ યાદી ટ્વીટ કરી છે. આ ટ્વીટમાં લખ્યું છે કે, ‘રાજસ્થાન વિધાનસભા પેટાચૂંટણી માટે AICC દ્વારા નીચેના સ્ટાર પ્રચારકોની ઘોષણા કરવામાં આવી છે.‘

આ પહેલા ભાજપે તેના 40 સ્ટાર પ્રચારકોની યાદી પણ જાહેર કરી હતી. ભાજપની આ યાદીમાં મુખ્યમંત્રી ભજનલાલ શર્મા, પૂર્વ મુખ્યમંત્રી વસુંધરા રાજે, પ્રદેશ અધ્યક્ષ મદન રાઠોડ, રાજ્ય પ્રભારી રાધા મોહન દાસ અગ્રવાલ જેવા ઘણા વરિષ્ઠ નેતાઓનો સમાવેશ થાય છે.

Read Also Two Major BJP Leaders Join Ajit Pawar’s NCP, Say ‘Following Our Leader Devendra Fadnavis’s Directions’