પ્રશાંત કિશોરની હાજરીમાં જ તેમની પાર્ટી જન સુરાજની બેઠકમાં હોબાળો મચ્યો, ઉમેદવારોના નામને લઈ થઈ બબાલ

બિહારના ગયામાં જન સુરાજ પાર્ટીની બેઠકમાં વિધાનસભા પેટાચૂંટણી માટે ઉમેદવારોની પસંદગીને લઈને હોબાળો થયો હતો. કાર્યકરો વચ્ચે અથડામણ એ હદે વણસી ગઈ કે ખુરશીઓની તોડફોડ થઈ હતી. ઉલ્લેખનીય છે કે આ બેઠકમાં પાર્ટીના સ્થાપક પ્રશાંત કિશોર ખુદ હાજર હતા.

બિહારના ગયામાં જન સુરાજ પાર્ટીની બેઠકમાં ભારે હોબાળો થયો હતો. પાર્ટી કાર્યકર્તાઓ વચ્ચે અથડામણ થઈ અને તોડફોડ મચી ગઈ હતી. આ બેઠકમાં પાર્ટીના સ્થાપક પ્રશાંત કિશોર ખુદ હાજર હતા. આ બેઠક પ્રશાંત કિશોરની પાર્ટી જન સુરાજ દ્વારા વિધાનસભા પેટાચૂંટણી માટે ઉમેદવારોની પસંદગી માટે બોલાવવામાં આવી હતી.

બેલાગંજ વિધાનસભા બેઠક પરથી મુસ્લિમ ઉમેદવારને ટિકિટ આપવાની જાહેરાતને લઈને બેઠકમાં વિવાદ થયો હતો. ટિકિટના દાવેદારોના સમર્થકોએ હોબાળો મચાવ્યો હતો. પ્રશાંત કિશોરે કાર્યકરોને શાંતિ જાળવવાની અપીલ કરી હતી, પરંતુ તેઓ માન્યા ન હતા.

બિહાર વિધાનસભા પેટાચૂંટણી માટે ઉમેદવારોની પસંદગીને લઈને પ્રશાંત કિશોરની પાર્ટી જન સુરાજ પાર્ટીએ ગયામાં એક બેઠકનું આયોજન કર્યું હતું. આ બેઠકનો હેતુ બેલાગંજ વિધાનસભા બેઠક પરથી પોતાના ઉમેદવારના નામની જાહેરાત કરવાનો હતો. પાર્ટીએ આ બેઠક પરથી મુસ્લિમ ઉમેદવારને ઉભા રાખવાનો નિર્ણય કર્યો હતો.

જો કે, પ્રશાંત કિશોર પાર્ટી વતી પત્રકાર પરિષદમાં ઉમેદવારના નામની જાહેરાત કરવાના હતા કે તરત જ બેઠકમાં હાજર કાર્યકરોનો એક વર્ગ કાબૂ બહાર ગયો હતો. કહેવામાં આવી રહ્યું છે કે બેલાગંજથી ચૂંટણી લડવા માંગતા નેતાઓના સમર્થકો પાર્ટીના નિર્ણયથી નારાજ હતા.

આ દરમિયાન સૂત્રોચ્ચાર વચ્ચે ખુરશીઓ ફેંકવામાં આવી હતી. પ્રશાંત કિશોરે મંચ પરથી કાર્યકરોને શાંતિ જાળવવા અને કોઈપણ પ્રકારનું દબાણ ન બનાવવાની અપીલ કરી હતી. તેમણે સ્પષ્ટ કહ્યું કે જન સુરાજ પાર્ટી કોઈના દબાણમાં કામ કરતી નથી.

Read Also CM Yogi Takes Strict Action on Bahraich Violence, Negligent Officers May Face Serious Consequences