સલમાનની સિકંદર ફિલ્મનું વધુ એક બઝ, ૨૦૦ ડાન્સર્સ સાથે શૂટ થયું એક સોન્ગ

સલમાન ખાન અને રશ્મિકા મંદન્ના આગામી ફિલ્મ સિકંદરની દર્શકો આતુરતાથી રાહ જોઈ રહ્યા છે. હવે સમાચાર છે કે સલમાન અને રશ્મિકાએ 200 ડાન્સર્સ સાથે એક ડાન્સ સોંગ માટે શૂટિંગ કર્યું છે.

સલમાન ખાન અને રશ્મિકા મંદન્ના સ્ટારર ફિલ્મ સિકંદરની આતુરતાથી રાહ જોવાઈ રહી છે. તાજેતરમાં આ ફિલ્મના મુખ્ય કલાકારોએ 200 બેકગ્રાઉન્ડ ડાન્સર્સ સાથે ઉત્સવનું ગીત શૂટ કર્યું છે. આ ગીત પ્રિતમે કમ્પોઝ કર્યું છે.

આ ગીતનું શૂટિંગ ગોરેગાંવના SRPF ગ્રાઉન્ડ ખાતે ધારાવીની ઝૂંપડપટ્ટીના સેટ પર થઈ રહ્યું છે. આ ગીતમાં 200 બેકગ્રાઉન્ડ ડાન્સર્સ છે અને ઝૂંપડપટ્ટીમાં રહેતા લોકોને તહેવારની ઉજવણી કરતા બતાવે છે. રશ્મિકા ગુરુવારે યુનિટમાં જોડાઈ હતી.

આ ગીતના શૂટિંગમાં સલમાન કસ્ટમાઇઝ્ડ સિલ્વર ચેઇન, ઇયરિંગ્સ, બ્લેક વેસ્ટ અને ડેનિમ સાથે ફુલ સ્લીવ શર્ટ પહેરેલો જોવા મળે છે. રશ્મિકા ટ્રેડિશનલ લુકમાં જોવા મળી હતી, મુરુગાદોસે ગીતનું શૂટિંગ લગભગ પૂર્ણ કરી લીધું છે અને તે વીકએન્ડ સુધીમાં કેટલાક એક્શન સીન શૂટ કરશે.

આ વર્ષની શરૂઆતમાં ઈદ પર સિકંદર ફિલ્મની જાહેરાત થઈ ત્યારથી તે સમાચારમાં છે. એઆર મુરુગાદોસ દ્વારા નિર્દેશિત આ ફિલ્મમાં સલમાન ખાન, રશ્મિકા મંદન્ના, સત્યરાજ, પ્રતિક બબ્બર અને કાજલ અગ્રવાલ મુખ્ય ભૂમિકામાં છે. આ ફિલ્મ આવતા વર્ષે ઈદ 2025ના દિવસે મોટા પાયે રિલીઝ થવા જઈ રહી છે.