શેરબજારમાં મુકેશ અંબાણીએ 15 મિનિટમાં કરી 53 હજાર કરોડની કમાણી

દેશની સૌથી મોટી કંપની રિલાયન્સ ઇન્ડસ્ટ્રીઝના ચેરમેને 47મી એજીએમમાં ​​35 લાખ શેરધારકોને સંબોધિત કરવાનું શરૂ કર્યું છે. જે બાદ કંપનીના શેરમાં જબરદસ્ત વધારો જોવા મળી રહ્યો છે. જો આંકડાઓ પર નજર કરીએ તો, મુકેશ અંબાણીની રિલાયન્સ ઈન્ડસ્ટ્રીઝના માર્કેટ કેપમાં એક દિવસ પહેલાની સરખામણીમાં રૂ. 53 હજાર કરોડથી વધુનો વધારો થયો છે.

2 વાગ્યાથી કંપનીના શેરમાં 2 ટકાથી વધુનો ઉછાળો જોવા મળ્યો છે. ચાલો તમને એ પણ જણાવીએ કે રિલાયન્સ AGM શરૂ થયા બાદ શેરબજારમાં કંપનીના કેવા આંકડા જોવા મળી રહ્યા છે. રિલાયન્સની એજીએમ શરૂ થતાની સાથે જ કંપનીના શેરમાં જોરદાર ઉછાળો જોવા મળ્યો હતો. કંપનીનો શેર 2.64 ટકાના ઉછાળા સાથે રૂપિયા 3074.80ની દિવસની સર્વોચ્ચ સપાટીએ પહોંચ્યો હતો. જ્યારે સવારથી કંપનીના શેરમાં થોડો વધારો જોવા મળ્યો હતો.

સવારે BSE પર કંપનીના શેર રૂપિયા 3014.95 પર ખુલ્યા હતા. હાલમાં એટલે કે બપોરે 2:35 વાગ્યે કંપનીના શેર 1.84 ટકાના વધારા સાથે રૂપિયા 3048.05 પર ટ્રેડ થઈ રહ્યા છે. એક દિવસ પહેલા કંપનીનો શેર મામૂલી ઘટાડા સાથે રૂપિયા 2,995.75 પર બંધ થયો હતો.

છેલ્લી એજીએમથી આ એજીએમ સુધી રિલાયન્સના શેરમાં સારો એવો ઉછાળો જોવા મળ્યો છે. આંકડાઓ પર નજર કરીએ તો કંપનીના શેરમાં લગભગ 26 ટકાનો ઉછાળો આવ્યો છે. ગયા વર્ષની એજીએમમાં ​​કંપનીના શેર એક ટકાથી વધુના ઘટાડા સાથે રૂપિયા 2442.55 પર બંધ થયા હતા. એટલે કે 572.4 રૂપિયાનો વધારો જોવા મળ્યો છે. નિષ્ણાતોનું માનીએ તો કંપનીના શેરમાં વધુ વૃદ્ધિ જોવા મળી શકે છે.

રિલાયન્સ ઇન્ડસ્ટ્રીઝના શેરમાં વધારાની સાથે કંપનીના માર્કેટ કેપમાં પણ વધારો થયો છે. એક દિવસ પહેલા કંપનીના માર્કેટ કેપમાં રૂપિયા 53 હજાર કરોડનો વધારો જોવા મળ્યો હતો. માહિતી અનુસાર, એક દિવસ પહેલા કંપનીનું માર્કેટ કેપ 20,27,100.67 કરોડ રૂપિયા હતું. જે કંપનીના શેર ઊંચા સ્તરે પહોંચ્યા બાદ રૂ.20,80,590.55 કરોડે પહોંચ્યો હતો. મતલબ કે એજીએમની શરૂઆત બાદ કંપનીના માર્કેટ કેપમાં રૂ. 53,489.88 કરોડનો વધારો થયો છે.