કાર્તિક આર્યનની આગામી અને મોસ્ટ અવેટેડ ફિલ્મ ભૂલ ભુલૈયા-૩નું નવું પોસ્ટર રિલીઝ થતાં જ સોશિયલ મીડિયામાં વાયરલ થયું છે. આ નવા પોસ્ટરમાં મંજુલિકાની ડરામણી તસવીર છે. રૂહ બાબાના રૂપમાં મશાલ લઈને ઊભેલા કાર્તિકની એક ઝલક દેખાય છે.
કાર્તિક આર્યનની ભૂલ ભલૈયા 3 આ દિવાળીએ રિલીઝ થવા જઈ રહી છે, જ્યારે કાર્તિકે ફિલ્મનું નવું પોસ્ટર રિલીઝ કરીને પ્રેક્ષકોને મંજુલિકાની ઝલક બતાવી છે. અદ્ભુત પોસ્ટર શેર કરતી વખતે, કાર્તિકે લખ્યું – રૂહ બાબા vs મંજુલિકા…આ દિવાળી, ભુલ ભુલૈયા 3.
આ પોસ્ટ પર અનેક યુઝર્સે પ્રતિક્રિયા આપી છે. એકે લખ્યું- રૂહ બાબા આવી ગયા છે, આ વખતે બોક્સ ઓફિસ પર ધમાકો થશે. એકે ટિપ્પણી કરી – સૌથી વધુ રાહ જોવાતી લડાઈ, રૂહ બાબા વિ મંજુલિકા. બીજા એકે લખ્યું- દિવાળી ધમાકા અતિ ઉત્સાહિત. એકે કમેન્ટ કરી – રુહ બાબાનો જાદુ ફરી ત્રાટકશે, અમે મંજુલિકાની ઝલક જોવા માટે આતુર છીએ.
સ્વાભાવિક છે કે કાર્તિક આર્યન આ ફિલ્મમાં રૂહ બાબાના પાત્રમાં દેખાશે. તેની ઓપોઝિટ તૃપ્તિ ડિમરી છે. આ સિવાય વિદ્યા બાલન, રાજપાલ યાદવ, વિજય રાજ જેવા કલાકારો હશે. ફિલ્મનું સરપ્રાઈઝ ફેક્ટર માધુરી દીક્ષિત છે. દિવાળીના અવસર પર રિલીઝ થનારી આ ફિલ્મ માટે દર્શકો ખૂબ જ ઉત્સાહિત છે.
Read Also Is Bachchan Family Ignoring Aishwarya Rai Bachchan? Simi Garewal Reacts
