અયોધ્યા રામ મંદિરનું નિર્માણ કાર્ય ધીમે ધીમે પૂર્ણતા તરફ આગળ વધી રહ્યું છે. આ સંદર્ભમાં નવરાત્રીના શુભ અવસર પર વિધિવત પૂજા કર્યા બાદ મંદિરના શિખરનું નિર્માણ કાર્ય શરૂ કરવામાં આવ્યું છે.
નવરાત્રીની પૂજા બાદ રામ મંદિરના શિખર નિર્માણનું કામ શરૂ કરવામાં આવ્યું છે. શિખરનું કામ આગામી ૪ મહિનામાં પૂર્ણ કરવામાં આવશે. શિખરના નિર્માણમાં અંદાજે ૬૦ હજાર ઘનફૂટ પથ્થરોનો ઉપયોગ કરવામાં આવશે.
રામ મંદિર નિર્માણ સમિતિના અધ્યક્ષ નૃપેન્દ્ર મિશ્રાએ આ માહિતી આપી હતી. રામ મંદિર નિર્માણ કાર્યની પ્રગતિની સમીક્ષા કરવા માટે મંદિર નિર્માણ સમિતિની ૩ દિવસીય બેઠક યોજાઈ રહી છે. પહેલા દિવસે અધિકારીઓએ રામ મંદિરના નિર્માણ કાર્યના સ્થળનું નિરીક્ષણ કર્યું હતું. જ્યારે આજે ગુરૂવારે બીજા દિવસે મંદિરના શિખરનું નિર્માણ કાર્ય શરૂ કરવામાં આવ્યું છે.
બાંધકામ સમિતિના અધ્યક્ષ નૃપેન્દ્ર મિશ્રાએ જણાવ્યું કે મંદિરના શિખરનું નિર્માણ કાર્ય શરૂ થઈ રહ્યું છે. આગામી ૪ મહિનામાં ૧૬૧ ફૂટ ઊંચા શિખરનું બાંધકામ પૂર્ણ કરવામાં આવશે. મંદિરના નિર્માણના તમામ કામો જે પૂર્ણ થવાના છે તે ઝડપથી ચાલી રહ્યા છે. બાંધકામ માટે જુદી જુદી જવાબદારીઓ સોંપવામાં આવી છે. જેથી કામ સમયસર પૂર્ણ થઈ શકે.
આ ઉપરાંત સપ્ત ઋષિઓના મંદિરનું કામ પણ સત્વરે થઈ રહ્યું છે. રાજસ્થાનમાં તૈયાર થઈ રહેલા શિલ્પો માટે અલગ-અલગ શિલ્પકારોને જવાબદારી સોંપવામાં આવી છે. આ સાથે પ્રથમ માળે અને ભોંયતળિયે સ્થાપિત થાંભલાઓમાં દેવી-દેવતાઓની મૂર્તિઓ સ્થાપિત કરવાની કામગીરી ચાલી રહી છે. જેના માટે ઓડિશાના કારીગરોને પણ સામેલ કરવામાં આવ્યા છે.
નાગર શૈલીમાં બનેલા મંદિરમાં પણ આ જ શૈલીમાં શિલાનું નિર્માણ કરવામાં આવી રહ્યું છે. શિખરને સોમપુરા આર્કિટેક્ટ્સ દ્વારા ડિઝાઇન કરવામાં આવ્યું છે, જેને ટ્રસ્ટ દ્વારા પહેલેથી જ અંતિમ સ્વરૂપ આપવામાં આવ્યું હતું. શિખર પર ધાર્મિક ધ્વજ પણ હશે.
Read Also Big Discount on Khadi Products for Next 108 Days in UP Khadi Ashrams, Announces CM Yogi Adityanath
