બાંગ્લાદેશમાં ઈસ્કોન ભક્તોને પકડીને મારી નાખવાની ખુલ્લેઆમ ધમકી અપાઈ, તસ્લીમા નસરીને આપી જાણકારી

બાંગ્લાદેશમાં કટ્ટરપંથી ઈસ્લામિક જૂથ હેફાઝત-એ-ઈસ્લામે ઈસ્કોનના સભ્યોને મારી નાખવાની ધમકી આપી છે. હિફાઝત-એ-ઈસ્લામે કહ્યું છે કે જ્યાં પણ તમે ઈસ્કોનના ભક્તોને જુઓ, તેમને પકડીને મારી નાખો. આ દરમિયાન ઈસ્કોને પીએમ મોદીને હિંદુઓને બચાવવા માટે દરમિયાનગીરી કરવાની અપીલ કરી છે.

બાંગ્લાદેશમાં હિંસક વિરોધ પ્રદર્શનો બાદ ઓગસ્ટમાં શેખ હસીનાની સરકાર ગઈ ત્યારથી હિન્દુ લઘુમતીઓ પર સતત હુમલાઓ ચાલુ છે. હવે કટ્ટરપંથી ઇસ્લામિક જૂથો ખુલ્લેઆમ હિંદુઓની ધરપકડ કરવા, ત્રાસ આપવા અને તેમને મારી નાખવાની ધમકી આપી રહ્યા છે. બાંગ્લાદેશના કટ્ટરપંથી સંગઠન હિફાઝત-એ-ઈસ્લામે ખુલ્લેઆમ નારા લગાવ્યા છે – ‘ઈસ્કોન ભક્તને પકડો, પછી તેને મારી નાખો.‘ ભારતમાં નિર્વાસિત જીવન જીવતી બાંગ્લાદેશી લેખિકા તસ્લીમા નસરીને એક્સ પ્લેટફોર્મ પર એક પોસ્ટમાં આ માહિતી આપી છે.

તસ્લીમા નસરીને લખ્યું, ‘ચિટગાંવ સ્થિત જૂથ હિફાઝત-એ-ઈસ્લામે ઈસ્કોન પર પ્રતિબંધ મૂકવાની હાકલ કરી છે. હિફાઝત-એ-ઈસ્લામે આતંકવાદની વાત કરી છે. તેઓ ઇસ્કોનના સભ્યોને મારવા માંગે છે. શું ઈસ્કોન આતંકવાદી સંગઠન છે કે તેના પર પ્રતિબંધ મૂકવો જોઈએ?’

તસ્લીમાએ આગળ લખ્યું, ‘શું ઈસ્કોનના સભ્યોએ હરે કૃષ્ણ, હરે રામના નારા લગાવતા ક્યારેય કોઈની હત્યા કરી છે? બીજી તરફ ઈસ્લામિક આતંકવાદીઓ લોકોને મારતી વખતે ‘અલ્લાહુ અકબર‘ના નારા લગાવે છે. તેમણે કહ્યું કે ઇસ્કોન વિશ્વના ઘણા દેશોમાં હાજર છે અને તેને બાંગ્લાદેશમાં જે સમસ્યાઓનો સામનો કરવો પડી રહ્યો છે તેવી સમસ્યાઓનો સામનો અન્ય દેશમાં કરવો પડતો નથી.

Read Also Iran Israel Crisis: Iran Responds to Missile Strikes on Israel