રેડ સીમાં રેડ સિચ્યુએશન… અમેરિકન એરક્રાફ્ટ કેરિયરથી માત્ર ૨૦૦ મીટર દૂર જોવા મળી હુથી મિસાઈલ

યમનના હુથી વિદ્રોહીઓએ લાલ સમુદ્રમાં અમેરિકાને ચોંકાવી દીધું છે. લાલ સમુદ્રમાં હાજર યુએસએસ ડ્વાઇટ ડી આઇઝનહોવરથી 200 મીટર દૂર હુથી આતંકવાદીઓની એક મિસાઇલ જોવા મળી હતી. યુએસએસ ડ્વાઇટ ડી. આઇઝનહોવર એ અમેરિકાનું એરક્રાફ્ટ કેરિયર છે, જે લાલ સમુદ્રમાં લાંબા સમયથી ફરજ બજાવી રહ્યું છે.

યુએસ નેવી છેલ્લા એક વર્ષથી યમનમાં સક્રિય હુથી વિદ્રોહીઓ વિરુદ્ધ લશ્કરી કાર્યવાહી માટે લાલ સમુદ્રમાં તેના યુદ્ધ જહાજો તૈનાત કરી રહી છે. ઘણી વખત અમેરિકન ફાઇટર પ્લેન અને મિસાઇલોએ યમનમાં હુથી વિદ્રોહીઓના સ્થાનો પર બોમ્બમારો પણ કર્યો છે.

હુથીઓ દ્વારા છોડવામાં આવેલી આ મિસાઇલ લાલ સમુદ્રમાં અમેરિકન એરક્રાફ્ટ કેરિયર યુએસએસ ડ્વાઇટ ડી આઇઝનહોવરના 200 મીટરની અંદર પહોંચી ગઈ હતી. જો આ મિસાઈલ એરક્રાફ્ટ કેરિયરને ટકરાઈ હોત તો યુએસ નેવીને ભારે નુકસાન થવાની શક્યતા હતી. આ ઘટસ્ફોટ પછી હુથીઓની વધતી શક્તિની ચર્ચા થઈ રહી છે.

વોશિંગ્ટન ઇન્સ્ટિટ્યૂટ ફોર નીયર ઇસ્ટ પોલિસીના વિશ્લેષકો દ્વારા વેસ્ટ પોઇન્ટના કોમ્બેટિંગ ટેરરિઝમ સેન્ટર સેન્ટિનલ જર્નલના ઓક્ટોબર અંકમાં પ્રકાશિત થયેલા એક લેખમાં જાણવા મળ્યું છે કે યુએસએસ ડ્વાઇટ ડી. આઇઝનહોવર સુપરકેરિયરને નિશાન બનાવતી હુથી મિસાઇલ એરક્રાફ્ટ કેરિયરથી માત્ર 200 માઇલ દૂર પડી હતી.  

Read Also India-Canada Relations: Trudeau Faces Criticism in Canada, Even Iranian Journalist Questions Him