‘પુષ્પા 2’ ફિલ્મે અમેરિકામાં પ્રી-સેલ્સ સંદર્ભે ‘સલાર’નો રેકોર્ડ તોડ્યો

‘પુષ્પા 2’ની રિલીઝની રાહ હવે પૂરી થવા જઈ રહી છે. એકલા ઉત્તર અમેરિકામાં, ફિલ્મે પ્રીવ્યુ શોના એડવાન્સ બુકિંગથી 1.5 મિલિયન ડોલર (રૂ. 12.60 કરોડ)ની કમાણી કરીને આશ્ચર્યચકિત કરી દીધી છે. બીજી તરફ, ચર્ચા એ પણ છે કે શું તે ભારતમાં હિન્દી વર્ઝનમાં યશના KGF 2ના રૂ. 42.50 કરોડના પ્રારંભિક સપ્તાહના એડવાન્સ બુકિંગને હરાવી શકશે?

અલ્લુ અર્જુનની ‘પુષ્પા 2‘ રિલીઝ થવામાં હવે એક સપ્તાહ બાકી છે. ભારતમાં 30 નવેમ્બરથી એડવાન્સ બુકિંગ શરૂ થશે, જ્યારે ઉત્તર અમેરિકામાં ફિલ્મે હજુ પણ પ્રી-સેલ્સમાં રેકોર્ડ બનાવ્યો છે.

જેમ જેમ ‘પુષ્પા 2: ધ રૂલ‘ની રિલીઝ ડેટ નજીક આવી રહી છે તેમ તેમ અલ્લુ અર્જુનનો આ ફિલ્મ માટેનો ક્રેઝ વધી રહ્યો છે. વર્ષ 2024 ની આ સૌથી મોટી રિલીઝ અને તેલુગુ એક્શન ડ્રામા માત્ર દેશમાં જ નહીં પરંતુ વિદેશમાં પણ વિશાળ ફેન ફોલોઈંગ ધરાવે છે.

એક તરફ, ભારતમાં 30 નવેમ્બરથી એડવાન્સ બુકિંગ શરૂ થવાનું છે, તો બીજી તરફ, એકલા ઉત્તર અમેરિકામાં, ફિલ્મે પ્રીવ્યુ શોના એડવાન્સ બુકિંગથી 1.5 મિલિયન ડોલર (રૂ. 12.60 કરોડ)ની કમાણી કરીને આશ્ચર્યચકિત કરી દીધી છે. બીજી તરફ, ચર્ચા એ પણ છે કે શું તે ભારતમાં હિન્દી વર્ઝનમાં યશના KGF 2ના રૂ. 42.50 કરોડના પ્રારંભિક સપ્તાહના એડવાન્સ બુકિંગને હરાવી શકશે?

‘વેન્કી‘ બોક્સ ઓફિસ પરથી મળેલી નવીનતમ માહિતી અનુસાર, ‘પુષ્પા 2: ધ રૂલ‘ એ ઉત્તર અમેરિકામાં પ્રીમિયર શો માટે $1.55 મિલિયનનું એડવાન્સ બુકિંગ લીધું છે. અમેરિકામાં 938 સ્થળોએ 3,532 શો માટે ફિલ્મની 54 હજારથી વધુ ટિકિટો વેચાઈ છે. આમાં તેલુગુ શોનું વેચાણ સૌથી વધુ છે. જ્યારે હિન્દી વર્ઝનના શો બીજા સ્થાને છે.

પ્રભાસની અગાઉની રિલીઝ ‘સલાર‘ એ અમેરિકામાં પેઇડ પ્રિવ્યુ શોના એડવાન્સ બુકિંગથી $1.8 મિલિયન (આશરે રૂ. 15 કરોડ)ની કમાણી કરી હતી. પ્રશાંત નીલના નિર્દેશનમાં બનેલી આ ફિલ્મના 2,415 શો માટે 68.70 હજાર ટિકિટનું પ્રી-સેલ્સ બુકિંગ કરવામાં આવ્યું હતું. ‘પુષ્પા 2‘ના પ્રીમિયરને હજુ 8 દિવસ બાકી છે. આવી સ્થિતિમાં અમેરિકામાં ‘સાલાર‘નો આ રેકોર્ડ લગભગ તૂટી ગયો છે.

Read Also PM Modi welcomed by Indian community in Brazil with Sanskrit prayers