રાષ્ટ્રપતિ જો બાઈડેન ઉજવશે દિવાળી, ભારતીય અમેરિકન સમુદાયને વ્હાઇટ હાઉસનું આમંત્રણ

દર વખતની જેમ આ વર્ષે પણ અમેરિકાના વ્હાઇટ હાઉસમાં દિવાળીનો તહેવાર ઉજવવામાં આવશે. આ દરમિયાન રાષ્ટ્રપતિ જો બાઈડેન તેમના ભાષણ પહેલા બ્લુ રૂમમાં દીવો પ્રગટાવશે. આ પછી તેઓ ભારતીય અમેરિકન સમુદાયને પણ સંબોધિત કરશે. બિડેનના ભાષણમાં અમેરિકન અવકાશયાત્રી સુનીતા વિલિયમ્સનો વીડિયો સંદેશ પણ સામેલ હશે.

યુએસ પ્રમુખ જો બાઈડેન વ્હાઇટ હાઉસમાં મોટી સંખ્યામાં ભારતીય અમેરિકનો સાથે દિવાળીની ઉજવણી કરશે. વ્હાઇટ હાઉસ, રાષ્ટ્રપતિના સત્તાવાર નિવાસસ્થાન અને કાર્યાલયે જણાવ્યું હતું કે, “ગત વર્ષોની પરંપરાને ચાલુ રાખીને, રાષ્ટ્રપતિ તેમના ભાષણ પહેલા બ્લુ રૂમમાં દીવો પ્રગટાવશે.”

ત્યારબાદ તેઓ ભારતીય અમેરિકનોના સમૂહ સમક્ષ ભાષણ આપશે જેમના માટે તેઓ સ્વાગત સમારોહનું આયોજન કરી રહ્યા છે. વ્હાઇટ હાઉસમાં રાષ્ટ્રપતિ બાઈડેનની આ છેલ્લી દિવાળીની ઉજવણી હશે કારણ કે તેઓ રાષ્ટ્રપતિની ચૂંટણી લડી રહ્યા નથી. અમેરિકાના ઘણા રાષ્ટ્રપતિઓ તેમના કાર્યકાળ દરમિયાન વ્હાઇટ હાઉસમાં દિવાળીની ઉજવણી કરતા આવ્યા છે.

વ્હાઇટ હાઉસના નિવેદન અનુસાર, રાષ્ટ્રપતિના ભાષણમાં યુએસ સ્પેસ એજન્સી ‘નાસા‘ના પ્રતિષ્ઠિત અવકાશયાત્રી અને નૌકાદળના નિવૃત્ત કેપ્ટન સુનીતા  વિલિયમ્સનો વીડિયો સંદેશ સામેલ હશે. તેણે ઈન્ટરનેશનલ સ્પેસ સ્ટેશન (ISS) પરથી શુભેચ્છા પાઠવતો વીડિયો રેકોર્ડ કર્યો, જ્યાં તેણે સપ્ટેમ્બરમાં કમાન્ડર તરીકેનો કાર્યભાર સંભાળ્યો છે.

નિવેદનમાં કહેવામાં આવ્યું છે કે, સુનીતા એક હિંદુ છે અને તેણે અગાઉ ISS તરફથી વિશ્વભરના લોકોને દિવાળીની શુભેચ્છાઓ મોકલી છે.

Read Also Why Israel is Struggling Against Hamas: A Year After the Conflict Began