નેશનલ કોન્ફરન્સના ઉપાધ્યક્ષ ઓમર અબ્દુલ્લાએ આજે જમ્મુ અને કાશ્મીરના મુખ્યમંત્રી તરીકે શપથ લીધા છે. આ શપથ ગ્રહણ સમારોહ શ્રીનગરના શેર-એ-કાશ્મીર ઇન્ટરનેશનલ કન્વેન્શન સેન્ટર (SKICC)માં યોજાયો હતો. શપથ ગ્રહણ સમારોહમાં રાહુલ ગાંધી, પ્રિયંકા ગાંધી વાડ્રા અને મલ્લિકાર્જુન ખરગે જેવા કોંગ્રેસ દિગ્ગજો ઉપસ્થિત રહ્યા હતા.
જમ્મુ કાશ્મીરના મુખ્ય રાજકીય પક્ષ નેશનલ કોન્ફરન્સ (JKNC)ના ઉપાધ્યક્ષ ઓમર અબ્દુલ્લા આજે શ્રીનગરમાં જમ્મુ અને કાશ્મીરના મુખ્યમંત્રી તરીકે શપથ લીધા છે. શપથ ગ્રહણ સમારોહ શ્રીનગરના શેર-એ-કાશ્મીર ઇન્ટરનેશનલ કન્વેન્શન સેન્ટર (SKICC)માં યોજાયો હતો. જમ્મુ અને કાશ્મીરના લેફ્ટનન્ટ ગવર્નર મનોજ સિંહા અબ્દુલ્લા અને તેમના મંત્રીમંડળને પદના શપથ લેવડાવ્યા હતા.
કોંગ્રેસના નેતાઓ અને વિપક્ષના નેતાઓ રાહુલ ગાંધી અને પ્રિયંકા ગાંધી વાડ્રા મંગળવારે જ ઓમર અબ્દુલ્લાના શપથ ગ્રહણ સમારોહમાં હાજરી આપવા માટે શ્રીનગર પહોંચ્યા હતા. જમ્મુ અને કાશ્મીરના મુખ્ય પ્રધાન તરીકેના તેમના શપથ ગ્રહણ સમારોહ પહેલા, નેશનલ કોન્ફરન્સના ઉપાધ્યક્ષ ઓમર અબ્દુલ્લાએ કહ્યું હતું કે તેઓ ભારત સરકાર સાથે કામ કરવા માટે ‘આતુર‘ છે, પરંતુ કેન્દ્રશાસિત પ્રદેશના મુખ્ય પ્રધાન બનવામાં અનેક પડકારો છે.
ઓમર અબ્દુલ્લાએ કહ્યું કે મારી કેટલીક વિચિત્ર વિશેષતાઓ છે. છ વર્ષનો કાર્યકાળ પૂરો કરનાર હું છેલ્લો મુખ્યમંત્રી હતો. હવે હું કેન્દ્રશાસિત પ્રદેશ જમ્મુ અને કાશ્મીરનો પ્રથમ મુખ્યમંત્રી બનીશ. કેન્દ્રશાસિત પ્રદેશના સીએમ બનવું એ સાવ અલગ બાબત છે. તેના પોતાના પડકારો છે. હું આશા રાખું છું કે કેન્દ્રશાસિત પ્રદેશનો દરજ્જો અસ્થાયી છે. અમે લોકોની સમસ્યાઓના નિરાકરણ માટે ભારત સરકાર સાથે મળીને કામ કરવા આતુર છીએ અને આ કરવાનો શ્રેષ્ઠ માર્ગ જમ્મુ અને કાશ્મીરને રાજ્યનો દરજ્જો પુનઃસ્થાપિત કરવાનો છે.
શપથ ગ્રહણ સમારોહ પહેલા ઓમર અબ્દુલ્લાએ શ્રીનગરમાં ‘શેર-એ-કાશ્મીર‘ શેખ મોહમ્મદ અબ્દુલ્લાના મઝાર-એ-અનવર પર પુષ્પાંજલિ અર્પણ કરી હતી. ઓમર અબ્દુલ્લાના દાદા, શેખ મોહમ્મદ અબ્દુલ્લા, ભારતમાં વિલીનીકરણ પછી જમ્મુ અને કાશ્મીરના પ્રથમ વડા પ્રધાન હતા અને બાદમાં મુખ્ય પ્રધાન તરીકે સેવા આપી હતી. ઓમરના પિતા ફારૂક અબ્દુલ્લા તત્કાલીન રાજ્યના ત્રણ વખત સીએમ રહી ચૂક્યા છે. નમાજ પછી બોલતા ઓમર અબ્દુલ્લાએ કહ્યું કે તેમની સરકારે પ્રદેશના લોકો માટે ઘણું કરવાનું છે.
Read Also 7 Names Nominated for Maharashtra Legislative Council, BJP-NCP-Shiv Sena Get Seats
