ટોમ ક્રૂઝની ‘મિશન ઈમ્પોસિબલઃ ધ ફાઈનલ રેકનિંગ’નું ટીઝર રિલીઝ થઈ ગયું છે, જેમાં એક્શન અને રોમાંચથી ભરપૂર ઝલક જોવા મળી રહી છે. જેમાં, ઈથન હંટ ફરી એકવાર દુનિયાને બચાવવા માટે પોતાનો જીવ જોખમમાં મૂકતો જોવા મળે છે.
ટોમ ક્રૂઝની આગામી ફેમસ ફ્રેન્ચાઈઝી ફિલ્મ ‘મિશન ઈમ્પોસિબલઃ ધ ફાઈનલ રેકનિંગ‘નું ટીઝર રિલીઝ થઈ ગયું છે. જે વિસ્ફોટક છે અને ટોમ ક્રૂઝના ચાહકો માટે એક ટ્રીટ છે. આ ટીઝરની શરૂઆત ‘મિશન ઈમ્પોસિબલ‘ની જાણીતી શૈલીથી થાય છે, જ્યાં આકાશમાં હેલિકોપ્ટર, રસ્તા પર ધૂમ મચાવતી કાર સામે ટોમ ક્રુઝ દિલધડક સ્ટંટ કરતો જોવા મળી રહ્યો છે.
દરેક સીન પોતાનામાં એટલો જ પાવરફુલ છે જેટલો લોકો ટોમની ‘મિશન ઈમ્પોસિબલ‘ પાસેથી અપેક્ષા રાખે છે. ‘મિશનઃ ઈમ્પોસિબલ – ધ ફાઈનલ રેકનિંગ‘નું ટીઝર ટ્રેલર એટલે કે ‘મિશન ઈમ્પોસિબલ 8‘નું પહેલું ટ્રેલર આવી ગયું છે. ટોમ ક્રૂઝ ચાહકોને તેની દુનિયાની સફર પર લઈ જવા માટે ફરી એકવાર મોટા પડદા પર આવવા માટે તૈયાર છે.
બ્રાયન ડી પાલ્મા દ્વારા દિગ્દર્શિત 1996ની ફિલ્મ મિશન: ઇમ્પોસિબલના ફૂટેજનો સમાવેશ થાય છે, જ્યાંથી આ બધું શરૂ થયું હતું. ટ્રેલરમાં એક દમદાર ડાયલોગ છે, જે આ રીતે શરૂ થાય છે. કહેવાય છે કે, ‘આપણા જીવનને કોઈ એક ક્રિયાથી માપી શકાતું નથી, બલ્કે આપણું જીવન આપણા કેટલાક નિર્ણયોનો સંગ્રહ છે. તમે જે પણ હતા, તમે જે પણ કર્યું, આ તેનું પરિણામ છે. જ્યારે સંજોગો તેની સામે ખરાબ હોય છે, ત્યારે જ તેને મિશન મળે છે, જો તે તેનો સ્વીકાર કરે.
Read Also Govinda Injured by Gunshot, Actor Hurt by His Own Gun, Condition Improving
