જાપાનના શાસક ગઠબંધને રાષ્ટ્રીય ચૂંટણીમાં તેની સંસદીય બહુમતી ગુમાવી દીધી છે. આનાથી આગામી સરકારની રચના અને વિશ્વની ચોથી સૌથી મોટી અર્થવ્યવસ્થાના ભાવિ અંગે અનિશ્ચિતતા વધી છે. વડાપ્રધાન શિગેરુ ઇશિબાની લિબરલ ડેમોક્રેટિક પાર્ટી (LDP) અને જુનિયર ગઠબંધન ભાગીદાર કોમીટોએ સંસદના નીચલા ગૃહમાં 209 બેઠકો જીતી હતી.
જાપાનના વડાપ્રધાન શિગેરુ ઈશિબાના શાસક ગઠબંધને સંસદના નીચલા ગૃહની ચૂંટણીમાં બહુમતી ગુમાવી દીધી હતી. જાપાનના સરકારી પ્રસારણકર્તા NHKએ આ માહિતી આપી છે. પરિણામો શાસક પક્ષના વ્યાપક નાણાકીય “ગોટાળાઓ” પર મતદારોના ગુસ્સાને દર્શાવે છે.
NHKએ તેના સમાચારમાં જણાવ્યું હતું કે ઇશિબાની લિબરલ ડેમોક્રેટિક પાર્ટી અને તેના ગઠબંધન સાથી ‘કોમીટો‘ને 456 બેઠકો ધરાવતા નીચલા ગૃહમાં બહુમતી (233 બેઠકો) મળે તેવું લાગતું નથી. જાપાનની દ્વિગૃહ સંસદમાં નીચલું ગૃહ ખૂબ જ શક્તિશાળી છે.
બહુમતી ગુમાવવા એ ઇશિબા માટે તેમના પક્ષની નીતિઓને સંસદમાં પસાર કરવામાં મુશ્કેલી ઊભી કરશે અને તેમણે ત્રીજા ગઠબંધન ભાગીદારની શોધ કરવી પડી શકે છે. ઇશિબા, જેમણે ઓક્ટોબર 1 ના રોજ પદ સંભાળ્યું હતું, તેમના પુરોગામી ફ્યુમિયો કિશિદા લિબરલ ડેમોક્રેટિક પાર્ટીની ક્રિયાઓ પરના લોકોના ગુસ્સાને કાબૂમાં લેવામાં નિષ્ફળ ગયા પછી સમર્થન મેળવવા માટે સત્વરે ચૂંટણીનો આદેશ આપ્યો હતો.
વડા પ્રધાન શિગેરુ ઈશિબાની લિબરલ ડેમોક્રેટિક પાર્ટી (LDP) અને જુનિયર ગઠબંધન ભાગીદાર કોમેટોએ જાપાની સંસદના 465-સીટ નીચલા ગૃહમાં 209 બેઠકો જીતી હતી. આ અગાઉની 279 બેઠકોથી નીચે છે અને 2009માં થોડા સમય માટે સત્તા ગુમાવી ત્યારથી ગઠબંધનનું સૌથી ખરાબ ચૂંટણી પરિણામ છે. ઇશિબાએ ટીવી ટોક્યોને કહ્યું, “આ ચૂંટણી અમારા માટે ખૂબ જ મુશ્કેલ રહી છે.” કોમીટોના વડા કેઇચી ઇશીને તેમના જિલ્લામાં હારનો સામનો કરવો પડ્યો છે.
Read Also Why Israel is Struggling Against Hamas: A Year After the Conflict Began
