હું આલિયા ભટ્ટ કપૂર છું – લગ્નના 2 વર્ષ બાદ આલિયા ભટ્ટે ચેન્જ કરી સરનેમ

આલિયા ભટ્ટે લગ્નના બે વર્ષ બાદ પોતાની અટક બદલી છે. હવે આલિયા ભટ્ટ ગર્વથી કહી રહી છે કે હું આલિયા ભટ્ટ કપૂર છું.

ધ ગ્રેટ ઈન્ડિયન કપિલ શો સીઝન 2 ના ટ્રેલરમાં, આલિયા ભટ્ટે પ્રથમ વખત તેની સંપૂર્ણ અટક જાહેર કરી છે. ખરેખર, ધ ગ્રેટ ઇન્ડિયન કપિલ શો સીઝન 2 ના ટ્રેલરમાં, જ્યારે સુનીલ ગ્રોવર કહે છે કે તમે આલિયા ભટ્ટ છો, તો આલિયા કહે છે, ના, હું આલિયા ભટ્ટ કપૂર છું.

આલિયા ભટ્ટ અત્યારે તેની ફીમેલ લીડ ફિલ્મ ‘આલ્ફા‘ને લઈને ચર્ચામાં છે. આલિયા ભટ્ટ અને શર્વરી વાઘ ફિલ્મ આલ્ફામાં સાથે એક્શન કરતી જોવા મળશે. ફિલ્મના બે શૂટ મુંબઈ અને કાશ્મીરમાં પૂરા થયા છે. જોકે તેની ફિલ્મ જીગરા આલ્ફા પહેલા રિલીઝ થવા જઈ રહી છે. જેના પ્રમોશન માટે આલિયા ભટ્ટ કોમેડી કિંગ કપિલ શર્માના કોમેડી શો ધ ગ્રેટ ઈન્ડિયન કપિલ શો સીઝન 2માં પહોંચી હતી. ધ ગ્રેટ ઈન્ડિયન કપિલ શો સીઝન 2નું ટ્રેલર આજે રિલીઝ થઈ ગયું છે.

આલિયા ભટ્ટે તેની ફિલ્મ બ્રહ્માસ્ત્રના કો-સ્ટાર રણબીર કપૂર સાથે 14 એપ્રિલ 2022ના રોજ લગ્ન કર્યા હતા. તે જ સમયે, લગ્નના અઢી મહિના પછી, તેણે 27 જૂને તેની ગર્ભાવસ્થાની જાહેરાત કરી. આ પછી રાહા કપૂરનો જન્મ 6 નવેમ્બર 2022ના રોજ થયો હતો. રાહા હવે બે વર્ષની થવા જઈ રહી છે.