ચૂંટણી જીતવા ડોનાલ્ડ ટ્રમ્પના મરણીયા પ્રયાસો, મેકડોનાલ્ડ્સમાં વેટર બન્યા

ચૂંટણી પ્રચાર વચ્ચે, ડોનાલ્ડ ટ્રમ્પે પેન્સિલવેનિયામાં એક મેકડોનાલ્ડ સ્ટોરની મુલાકાત લીધી. આ સમય દરમિયાન જ્યારે ડોનાલ્ડ ટ્રમ્પે મેકડોનાલ્ડ્સના કાઉન્ટર પર ઉભા રહીને એક ભારતીયને ઓર્ડર સર્વ કર્યો ત્યારે સૌ કોઈ આશ્ચર્યચકિત થઈ ગયા. બંનેની વાતચીત ઈન્ટરનેટ પર વાયરલ થઈ રહી છે.

અમેરિકાના પૂર્વ રાષ્ટ્રપતિ અને આગામી મહિને યોજાનારી રાષ્ટ્રપતિની ચૂંટણીમાં રિપબ્લિકન ઉમેદવાર ડોનાલ્ડ ટ્રમ્પ ચૂંટણી જીતવા માટે મરણીયા પ્રયાસો કરી રહ્યા છે. ચૂંટણી પ્રચાર વચ્ચે, ડોનાલ્ડ ટ્રમ્પે પેન્સિલવેનિયામાં એક મેકડોનાલ્ડ સ્ટોરની મુલાકાત લીધી હતી. રસપ્રદ વાત એ છે કે ટ્રમ્પ અહીં ખાવા માટે નહીં પરંતુ ફ્રાઈસ બનાવવા અને સર્વ કરવા ગયા હતા.

ડોનાલ્ડ ટ્રમ્પે મેકડોનાલ્ડ્સના કાઉન્ટર પર ઉભા રહીને એક ભારતીયને ઓર્ડર સર્વ કર્યો ત્યારે સૌ કોઈ આશ્ચર્યચકિત થઈ ગયા. ટ્રમ્પ અને ગ્રાહક વચ્ચેની વાતચીત ઇન્ટરનેટ પર વાયરલ થઈ રહી છે. ટેકઆઉટ વિન્ડો પર ટ્રમ્પને જોઈને ભારતીય વ્યક્તિએ ફરી એકવાર ટ્રમ્પના રાષ્ટ્રપતિ બનવાની ઈચ્છા વ્યક્ત કરી.

વાયરલ વીડિયોમાં ડોનાલ્ડ ટ્રમ્પ મેકડોનાલ્ડના સ્ટોરમાં તેમના સિગ્નેચર સૂટ પર એપ્રોન પહેરેલા જોઈ શકાય છે. ટ્રમ્પ મેકડોનાલ્ડ્સમાં પ્રખ્યાત ફ્રાઈસ કેવી રીતે બનાવવી તે શીખ્યા. ત્યારબાદ તેઓ પેકેટને ટેકઆઉટ વિન્ડો પર લઈ ગયા અને ગ્રાહકને સર્વ કર્યા હતા.

Read Also India-Canada Relations: Trudeau Faces Criticism in Canada, Even Iranian Journalist Questions Him