ભૂલ ભુલૈયા ૩ના ટ્રેલરને માત્ર ૨૪ કલાકમાં મળ્યા ૧૫૫ વ્યૂઝ, સિંઘમ અગેનનો રેકોર્ડ તોડ્યો

કાર્તિક આર્યનની ‘ભૂલ ભુલૈયા 3’ના ટ્રેલરે ઈતિહાસ રચ્યો છે. આ ફિલ્મના ટ્રેલરને ૨૪ કલાકમાં ૧૫૫ મિલિયન વ્યૂઝ મળ્યા છે. હજૂ ૨૪ કલાક પહેલા જ સિંઘમ અગેન ફિલ્મે આ રેકોર્ડ ૧૩૮ મિલિયન વ્યૂઝ સાથે પોતાના નામે કર્યો હતો. જે હવે ભૂલ ભુલૈયા ૩ ફિલ્મે તોડી નાંખ્યો છે.

કાર્તિક આર્યનની મોસ્ટ અવેટેડ ફિલ્મ ‘ભૂલ ભૂલૈયા ૩‘નું ટ્રેલર જયપુરમાં ‘ટેમ્પલ ઑફ સિનેમા‘ કહેવાતા રાજ મંદિર ખાતે લૉન્ચ કરવામાં આવ્યું હતું. ટ્રેલરે ૨૪ કલાકમાં ઈતિહાસ રચી દીધો છે અને સૌથી વધુ જોવાયેલું હિન્દી ફિલ્મનું ટ્રેલર બની ગયું છે.

તાજેતરમાં જ કાર્તિકે એક પોસ્ટ શેર કરી હતી જેમાં તેણે લખ્યું હતું કે ભૂલ ભુલૈયા 3 ના ટ્રેલરે તમામ રેકોર્ડ તોડી નાખ્યા છે. આ સૌથી વધુ જોવાયેલું હિન્દી ટ્રેલર બની ગયું છે. ભૂલ ભુલૈયા ૩ દિવાળી પર થિયેટરોમાં સિંઘમ અગેઇન સાથે ટકરાશે.

બંને ફિલ્મોના ટ્રેલર પણ નજીકમાં જ રિલીઝ કરવામાં આવ્યા છે. સૌપ્રથમ સિંઘમ અગેઈનનું ટ્રેલર રિલીઝ કરવામાં આવ્યું હતું જેને દર્શકોએ ખૂબ પસંદ કર્યું હતું અને તેને ૨૪ કલાકમાં ૧૩૮ વ્યૂઝ મળ્યા હતા. ભૂલ ભુલૈયા ૩ના ટ્રેલરને ૨૪ કલાકમાં ૧૫૫ મિલિયન વ્યૂઝ મળ્યા છે. આમ ભૂલ ભુલૈયા 3 એ સિંઘમ અગેઇનને પણ વ્યુઝના મામલે હરાવી છે.

૩.૫૦ મિનિટના ટ્રેલરમાં જો કોઈ દ્રશ્યે સૌથી વધુ ધ્યાન ખેંચ્યું હોય તો તે છે વિદ્યા અને માધુરીનો ડાન્સ. જો કે ટ્રેલરમાં ડાન્સની માત્ર એક નાની ઝલક બતાવવામાં આવી છે, પરંતુ દર્શકો તેને ખૂબ પસંદ કરી રહ્યા છે. એકે લખ્યું- વિદ્યા અને માધુરીના ડાન્સ વિશે શું, હું આ માટે જ ઉત્સાહિત છું. એકે લખ્યું- હે ભગવાન, એક નહીં પણ બે મંજુલિકા. એકે કમેન્ટ કરી- આ સંપૂર્ણપણે વિદ્યા અને માધુરીની ફિલ્મ છે.

૧ નવેમ્બરે ‘ભૂલ ભુલૈયા 3‘ની ટક્કર અજય દેવગનની ‘સિંઘમ અગેન‘ સાથે થવાની છે. સિંઘમ અગેઇનમાં અજય દેવગન, અક્ષય કુમાર, કરીના કપૂર, દીપિકા પાદુકોણ, રણવીર સિંહ, ટાઈગર શ્રોફ, અર્જુન કપૂર, જેકી શ્રોફ જેવા મલ્ટિ-સ્ટારર કલાકારો છે. જ્યારે ભૂલ ભૂલૈયા 3માં કાર્તિક આર્યન, માધુરી દીક્ષિત, વિદ્યા બાલન, તૃપ્તિ ડિમરી, વિજય રાઝ જેવા કલાકારો ખાસ ભૂમિકા ભજવી રહ્યા છે. બંને ફિલ્મો બોક્સ ઓફિસ પર કેવું પ્રદર્શન કરે છે તે જોવું રસપ્રદ રહેશે.

Read Also Is Bachchan Family Ignoring Aishwarya Rai Bachchan? Simi Garewal Reacts