અમેરિન પ્રેસિડેન્શિયલ ઈલેક્શન સર્વેમાં ચોંકાવનારા રિપોર્ટ આવ્યા, જાણો કયો ઉમેદવાર છે આગળ?

અમેરિકી રાષ્ટ્રપતિની ચૂંટણીના એક સપ્તાહ પહેલા એક નવો સર્વે સામે આવ્યો છે. આ સર્વેમાં ડેમોક્રેટિક ઉમેદવાર કમલા હેરિસ અને રિપબ્લિકન ડોનાલ્ડ ટ્રમ્પ વચ્ચે હારજીતનો તફાવત ઘણો ઓછો હોવાનું જણાવાયું છે. સર્વે દર્શાવે છે કે બંને વચ્ચે ખૂબ જ કઠિન સ્પર્ધા છે. સર્વેના પરિણામો ડેમોક્રેટિક પાર્ટી માટે ખતરાની ઘંટડી સમાન છે.

અમેરિકાની ચૂંટણીને હવે માત્ર એક સપ્તાહ બાકી છે. ખૂબ જ નજીકની હરીફાઈમાં, રિપબ્લિકન ડોનાલ્ડ ટ્રમ્પ અને ડેમોક્રેટ કમલા હેરિસ એડીચોટીનું જોર લગાવી રહ્યા છે. આ દરમિયાન એક લેટેસ્ટ સર્વે સામે આવ્યો છે, જેનાં પરિણામો દર્શાવે છે કે અંતિમ તબક્કામાં કમલા હેરિસને ડોનાલ્ડ ટ્રમ્પ પર ખૂબ જ નજીવી લીડ મળી રહી છે.

રોઇટર્સ/ઇપ્સોસના મતદારોના સર્વે અનુસાર, ડેમોક્રેટિક ઉમેદવાર તેમના રિપબ્લિકન હરીફને માત્ર એક ટકા પોઇન્ટથી આગળ કરે છે, જે બંને વચ્ચે કાંટાની ટક્કર છે. અમેરિકાના આગામી રાષ્ટ્રપતિને લઈને કરવામાં આવેલા સર્વેમાં વર્તમાન ઉપરાષ્ટ્રપતિ કમલા હેરિસને 44 ટકા મતદારોનું સમર્થન દર્શાવવામાં આવ્યું હતું, જ્યારે 43 ટકા લોકોએ ડોનાલ્ડ ટ્રમ્પને પસંદ કર્યા હતા.

આ સર્વે દર્શાવે છે કે 5 નવેમ્બરની ચૂંટણી પહેલા હરિફાઈ ચરમસીમાએ પહોંચી ગઈ છે. મતદાનમાં પ્લસ અથવા માઈનસ ત્રણ ટકા સુધીના ફેરફારની શક્યતા રહેલ છે.

જુલાઇમાં પ્રમુખપદની રેસમાં પ્રવેશ્યા ત્યારથી કમલા હેરિસે રજીસ્ટર્ડ મતદારોના દરેક રોઇટર્સ/ઇપ્સોસ પોલમાં ટ્રમ્પને પાછળ રાખ્યા હતા પરંતુ સપ્ટેમ્બરના અંતથી તેમની લીડ સતત ઘટી રહી છે જે ડેમોક્રેટિક પાર્ટી માટે ખતરાની ઘંટડી સમાન છે.

16 અને 21 ઓક્ટોબર વચ્ચે યોજાયેલા છેલ્લા રોયટર્સ/ઇપ્સોસ પોલમાં, કમલા હેરિસને ટ્રમ્પ પર બે પોઈન્ટની લીડ હતી. નવા મતદાનમાં 975 નોંધાયેલા મતદારો સાથે સમગ્ર દેશમાં 1,150 અમેરિકન વયસ્કોનો સર્વે કરવામાં આવ્યો હતો. સર્વેમાં સૌથી વધુ દબાવતા મુદ્દાઓ પર, મતદારોએ ટ્રમ્પને હેરિસ પર નોંધપાત્ર લીડ આપી.

Read Also Sunita Williams to Return from Space: Crew-9 Team Reaches Space Station