સમરીઃ
સાઉથ ફિલ્મ ઈન્ડસ્ટ્રીની ૨ અભિનેત્રીઓ સલમાનની સિકંદર ફિલ્મમાં પોતાની સુંદરતા અને અભિનયના કામણ પાથરવાની છે. આ ફિલ્મમાં રશ્મિકા બાદ કાજલ અગ્રવાલને પણ તક આપવામાં આવી હોવાના સમાચાર સામે આવ્યા છે.
સ્ટોરીઃ
સાઉથ અભિનેત્રી કાજલ અગ્રવાલ પણ સલમાન ખાન અને રશ્મિકા મંદન્ના સ્ટારર સિકંદરમાં જોવા મળશે. સલમાન ખાને 2024ની શરૂઆતમાં આગામી ફિલ્મ સિકંદરની જાહેરાત કરી હતી. જે પછી ફેન્સ તેના માટે ખૂબ જ ઉત્સાહિત છે અને તેને લગતા દરેક અપડેટની રાહ જુએ છે.
તાજેતરમાં જ ફિલ્મ સાથે જોડાયેલી એક રસપ્રદ અપડેટ સામે આવી છે જે મુજબ સાઉથની અભિનેત્રી કાજલ અગ્રવાલ પણ સિકંદરની કાસ્ટ સાથે જોડાવા જઈ રહી છે. સાજિદ નડિયાદવાલાના પ્રોડક્શનની આ ફિલ્મમાં સલમાન અને રશ્મિકા મંદન્ના પહેલા જ ફાઈનલ થઈ ચૂક્યા છે.
અભિનેત્રી કાજલ અગ્રવાલ સિકંદર સાથે જોડાઈ ગઈ છે. આ ફિલ્મમાં તે સલમાન ખાન, રશ્મિકા મંદન્ના, સત્યરાજ અને પ્રતિક બબ્બર જેવા કલાકારો સાથે જોવા મળશે. કાજલે આ પહેલા સિંઘમ અને સ્પેશિયલ 26 જેવી કેટલીક જાણીતી હિન્દી ફિલ્મોમાં કામ કર્યું છે.
સાજિદ નડિયાદવાલા દ્વારા પ્રસ્તુત અને એઆર મુરુગાદોસ દ્વારા નિર્દેશિત, સિકંદર 2025ની ઈદ પર થિયેટરોમાં આવવાની છે.
