તાજેતરમાં રજનીકાંતની કુલી મૂવિનો સીન લીક થઈ જતા ચકચાર મચી ગઈ હતી. આ સીન વાયરલ થઈ ગયા બાદ મેકર્સે દર્શકોને અપીલ કરી હતી કે આ સીન વધુ ફોરવર્ડ ન કરે નહિતર ફિલ્મની મજા ખરાબ થઈ જશે. આવી જ ઘટના યશરાજ બેનર્સ હેઠળ બની રહેલ ફિલ્મ વોર-૨ સાથે થઈ છે. જેમાં ઋતિક અને કિયારાનો રોમેન્ટિક સીન લીક થઈ ગયો છે.
યશરાજ બેનર્સ હેઠળ બની રહેલ ફિલ્મ વોર-૨નો ઋતિક અને કિયારાનો રોમેન્ટિક સીન લીક થઈ ગયો છે. ફિલ્મના સેટ પરથી રિતિક અને કિયારાનો એક વીડિયો વાયરલ થયો છે.
ઋતિક રોશન અને કિયારા અડવાણી હાલમાં ઇટાલીમાં વોર 2નું શૂટિંગ કરી રહ્યા છે. શૂટિંગની ઘણી તસવીરો અને વીડિયો પહેલાથી જ વાયરલ થઈ ચૂક્યા છે. તસવીરોના સેટમાં, રિતિક અને કિયારા ઇટાલીના રસ્તાઓ પર હાથ જોડીને ચાલતા અને સુંદર પળો વિતાવતા જોવા મળે છે.
અહી પણ જોવો : kangana-ranaut-controversy-how-kangana-ranaut-is-becoming-a-problem-for-bjp-like-mani-shankar-aiyar-and-sam-pitroda
વાયરલ વીડિયોમાં ઋતિકે જીન્સ સાથે સફેદ ટી-શર્ટ પર બ્લુ શર્ટ પહેર્યું છે, જ્યારે કિયારા ગુલાબી ડ્રેસમાં સુંદર લાગી રહી છે. આ વિડીયો ફિલ્મના એક ગીતનો છે જેને પ્રિતમે કમ્પોઝ કર્યુ છે. જેનું શૂટિંગ વેનિસ, ટસ્કની, લેક કોમો, નેપલ્સ, અમાલ્ફી કોસ્ટ અને સોરેન્ટો જેવા સુંદર સ્થળોએ કરવામાં આવ્યું છે. વોર-૨નું શૂટિંગ ઓક્ટોબર 2023માં શરૂ થયું હતું.
