ગજની ૨ કરશે આમિર ખાન, પહેલા પૂરી કરશે સુપર હીરો ફિલ્મ

આમિર ખાને તેની હિટ ફિલ્મ ગજનીની સિકવલ ગજની ૨ માટે તૈયારી દર્શાવી છે. જો કે અત્યારે તે  દિગ્દર્શક લોકેશ કનાગરાજ સાથે સુપર હીરોવાળી ફિલ્મ પર તૈયારી કરી રહ્યો છે. જો ગજની ૨ પ્રોજેક્ટ સાથે આમિર જોડાશે તો ફેન્સ માટે આ પ્રોજેક્ટ એન્ટરટેઈનમેન્ટનો બુસ્ટર ડોઝ બનશે.  

આમિર ખાન ફરી એકવાર પોતાની આગામી ફિલ્મને લઈને ચર્ચામાં છે. એવું કહેવામાં આવી રહ્યું છે કે અભિનેતા જે આગામી ફિલ્મની ચર્ચા કરી રહ્યા છે તે સુપર હીરો ફિલ્મ હોઈ શકે છે. આ સિવાય તેને ફિલ્મ ‘ગજની ૨’ વિશે પણ ચર્ચા કરી છે. ગજની આમિરની હિટ ફિલ્મો પૈકીની ફિલ્મ છે. આ ફિલ્મની સિકવલ ગજની ૨ માટે આમિરે તૈયારી દર્શાવી છે.

આમિર ખાન વર્ષ ૨૦૨૫માં ‘સિતારે જમીન પર’ લઈને આવી રહ્યો છે, ત્યારે એવા સમાચાર છે કે તે પોતાની આગામી ફિલ્મો માટે ઘણા ફિલ્મ નિર્માતાઓ સાથે વાત કરી રહ્યો છે. પિંકવિલાએ તાજેતરમાં અહેવાલ આપ્યો હતો કે આમિર ખાન તેની ફિલ્મ ‘અંદાઝ અપના અપના’ના દિગ્દર્શક રાજકુમાર સંતોષી સાથે કોમિક કેપર વિશે ચર્ચા કરી રહ્યો છે. હાલમાં તેનું નામ ‘ચાર દિન કી ઝિંદગી’ રાખવામાં આવ્યું છે.

આ રિપોર્ટમાં કહેવામાં આવ્યું છે કે, આમિર ખાન અને લોકેશ કનાગરાજ સુપરહીરો ફિલ્મ વિશે ચર્ચા કરી રહ્યા છે. લોકેશ કનાગરાજ અને આમિર ખાન છેલ્લા કેટલાક મહિનામાં ઘણી વખત મળ્યા છે અને તેમની ફિલ્મ વિશે વાત કરી રહ્યા છે.

મીટિંગ દરમિયાન, બંનેએ પોતપોતાની પ્રતિબદ્ધતાઓ વિશે ખુલીને વાત કરી. સૂત્રએ કહ્યું, ‘આમિર સિતારે જમી પર ફિલ્મમાં વ્યસ્ત છે અને તે પછી તે ૨૦૨૫માં રાજકુમાર સંતોષી, ઝોયા અખ્તર અથવા અવિનાશ અરુણ સાથે ફિલ્મનું શૂટિંગ શરૂ કરશે.’

Read Also Gadar 2 is being released again in theatres, but it is more special than before, Sunny Deol’s film has earned 690 crores for the first time