યુક્રેન રાષ્ટ્રપતિ ઝેલેન્સ્કીએ યુદ્ધ વિરામ માટે રશિયા સમક્ષ પોતાની શરતો રજૂ કરી

છેલ્લા 33 મહિનાથી યુદ્ધમાં વ્યસ્ત રશિયા અને યુક્રેન વચ્ચે યુદ્ધવિરામની આશા બંધાઈ છે. યુક્રેનના રાષ્ટ્રપતિ ઝેલેન્સકીએ નાટો સુરક્ષા ગેરંટીઓના બદલામાં અસ્થાયી રશિયન નિયંત્રણની શક્યતા પર વિચાર વિમર્શ કર્યો છે. તેમણે કહ્યું કે નાટોએ તરત જ યુક્રેનના નિયંત્રણવાળા વિસ્તારોને રક્ષણ પૂરું પાડવું જોઈએ.

યુક્રેનના રાષ્ટ્રપતિ ઝેલેન્સકીએ સંકેત આપ્યો છે કે તેઓ રશિયા સાથે અસ્થાયી યુદ્ધવિરામ કરાર માટે સંમત થઈ શકે છે. આ કરાર હેઠળ રશિયા કબજા હેઠળના વિસ્તારો પર પોતાનું નિયંત્રણ જાળવી રાખશે પરંતુ બદલામાં નાટો દળો યુક્રેનના નિયંત્રણ હેઠળના વિસ્તારોને સુરક્ષાની ગેરંટી આપશે.

આ પહેલીવાર છે જ્યારે ઝેલેન્સકીએ આ પ્રકારના યુદ્ધવિરામ પ્રસ્તાવ પર જાહેરમાં વાત કરી છે. આમાં તેમણે સૌથી મહત્વની શરત યુક્રેનમાં નાટો દળોની તૈનાતી છે. હવે રશિયાના રાષ્ટ્રપતિ વ્લાદિમીર પુતિનની પ્રતિક્રિયા પર દુનિયાની નજર છે.

સ્કાય ન્યૂઝ સાથેની એક મુલાકાતમાં, ઝેલેન્સકીએ એવા અહેવાલો પર પ્રતિક્રિયા આપી હતી કે યુએસ પ્રમુખ-ચુંટાયેલા ડોનાલ્ડ ટ્રમ્પ શાંતિ યોજનાનો પ્રસ્તાવ આપી શકે છે. આ યોજના હેઠળ, યુક્રેનને નાટો સભ્યપદના બદલામાં રશિયાના કબજા હેઠળના વિસ્તારો છોડવા પડશે. ઝેલેન્સ્કીએ તબક્કાવાર અભિગમની તરફેણ કરી. આ અભિગમ હેઠળ, નાટો દળો યુક્રેનના બિન-કબજાવાળા વિસ્તારો પર કબજો કરશે, જ્યારે રશિયાના કબજા હેઠળના વિસ્તારોને પાછો ખેંચવાનો રાજદ્વારી રીતે ઉકેલ લાવવામાં આવશે.

યુક્રેનના રાષ્ટ્રપતિ ઝેલેન્સકીએ કહ્યું, ‘જો અમે યુદ્ધને રોકવા માંગીએ છીએ, તો અમારે યુક્રેનના એ વિસ્તારને નાટોની છત્ર હેઠળ લાવવા પડશે જે અમારા નિયંત્રણમાં છે. આપણે તે ઝડપથી કરવું પડશે. આ પછી, યુક્રેન રાજદ્વારી માધ્યમથી કબજે કરેલો પ્રદેશ પાછો મેળવી શકે છે. ઝેલેન્સકીએ કહ્યું કે કોઈપણ કરાર માટે યુક્રેનની આંતરરાષ્ટ્રીય સ્તરે માન્યતા પ્રાપ્ત સરહદોને માન્યતા આપવી પડશે. આ સુનિશ્ચિત કરવું આવશ્યક છે કે કબજે કરેલા પ્રદેશો સૈદ્ધાંતિક રીતે યુક્રેનનો ભાગ રહે.

Read Also PM Modi welcomed by Indian community in Brazil with Sanskrit prayers