રશિયન એર ડિફેન્સ સિસ્ટમ ફેલ સાબિત થઈ, ઈઝરાયેલે ઈરાનના દરેક S-300નો કર્યો  નાશ

ઈરાને દુશ્મનના હવાઈ હુમલા સામે રક્ષણ માટે રશિયા પાસેથી S-300 એર ડિફેન્સ સિસ્ટમ મેળવી હતી, પરંતુ ઈઝરાયેલના હુમલામાં તે નિષ્ફળ સાબિત થઈ હતી. ઈરાનની સુરક્ષા માટે તૈનાત S-300 પોતાને બચાવવામાં નિષ્ફળ ગયું. ઈઝરાયેલે ઈરાનમાં હાજર તમામ S-300ને નષ્ટ કરી દીધા છે.

ઈઝરાયેલે ઈરાન પર સૌથી મોટો હવાઈ હુમલો કર્યો, જેમાં ઈરાની મિસાઈલ સુવિધાઓ અને સૈન્ય મથકોને નિશાન બનાવ્યા. ઈરાન હજુ પણ આ હુમલાથી થયેલા નુકસાનનો અંદાજ લગાવી રહ્યું છે. પરંતુ ઈરાનને સૌથી મોટો ફટકો S-300 એર ડિફેન્સ સિસ્ટમના રૂપમાં લાગ્યો છે.

ઇઝરાયેલે જે લક્ષ્યો પર હુમલો કર્યો તેમાં રશિયન S-300 મિસાઇલ સિસ્ટમ, ઈરાનની કિંમતી અને મહત્વપૂર્ણ હવાઈ સંરક્ષણ હતી. વોલ સ્ટ્રીટ જર્નલ (WSJ)એ અધિકારીઓને ટાંકીને પોતાના રિપોર્ટમાં આ માહિતી આપી છે. WSJ સાથે વાત કરતા, એક અમેરિકી અધિકારીએ જણાવ્યું કે ઇઝરાયેલના હુમલામાં ઈરાનની બાકીની ૩ S-300 મિસાઈલ સિસ્ટમ નાશ પામી છે. ઈરાન પાસે ૪ S-300 એર ડિફેન્સ સિસ્ટમ હતી. આ વર્ષની શરૂઆતમાં ઇઝરાયેલ દ્વારા એકનો નાશ કરવામાં આવ્યો હતો.

આ જ અધિકારીએ ખુલાસો કર્યો હતો કે ઈરાન ઈઝરાયલી એરક્રાફ્ટમાંથી છોડવામાં આવેલી મિસાઈલોમાંથી માત્ર થોડી જ મિસાઈલોને તોડી પાડવામાં સફળ રહ્યું હતું. બાકીની મિસાઈલો તેમના લક્ષ્ય સુધી પહોંચી ગઈ.  અધિકારીઓનું નિવેદન યુએસ થિંક ટેન્ક ઇન્સ્ટિટ્યૂટ ફોર ધ સ્ટડી ઓફ વોર (ISW) ના મૂલ્યાંકન સાથે મેળ ખાય છે, જેમાં કહેવામાં આવ્યું હતું કે ઇઝરાયેલના હુમલાથી ઈરાનના સંકલિત હવાઈ સંરક્ષણ નેટવર્કને ગંભીર નુકસાન થયું છે.

ISW એ કહ્યું, ‘IDF એ ત્રણ કે ચાર S-300 સાઇટ પર હુમલો કર્યો, જેમાં તેહરાન નજીક ઇમામ ખોમેની ઇન્ટરનેશનલ એરપોર્ટની સાઇટનો સમાવેશ થાય છે.

Read Also India-Canada Relations: Trudeau Faces Criticism in Canada, Even Iranian Journalist Questions Him