એસ. જયશંકરે પાકિસ્તાનમાં પગ મુકતા જ બિલાવલ ભુટ્ટોના સૂર બદલાઈ ગયા, ભારત સાથે સંબંધો સુધારવાની તરફેણ કરી

ભારતના વિદેશમંત્રી એસ. જયશંકર ઈસ્લામાબાદમાં યોજાઈ રહેલી SCO બેઠકમાં ભાગ લેવા પાકિસ્તાન પહોંચી ગયા છે. એક વર્ષ પહેલા પાકિસ્તાનના વિદેશ મંત્રી તરીકે SCO સમિટ માટે ભારત આવેલા બિલાવલ ભુટ્ટોએ તેમની આ મુલાકાત પર પ્રતિક્રિયા આપી છે. પાકિસ્તાની નેતાએ કહ્યું કે ભારત સાથે સંબંધો સુધરવા જોઈએ.

પાકિસ્તાન પીપલ્સ પાર્ટી (PPP)ના અધ્યક્ષ બિલાવલ ભુટ્ટો ઝરદારીએ SCO સમિટમાં ભાગ લેવા ઈસ્લામાબાદ પહોંચેલા ભારતીય વિદેશ મંત્રી સુબ્રમણ્યમ જયશંકરનું સ્વાગત કર્યું છે. પૂર્વ વિદેશ મંત્રી અને પાકિસ્તાનની રાજનીતિનો મહત્વનો ચહેરો બિલાવલે કહ્યું કે જયશંકર અમારા મહેમાન છે અને તેમનું સંપૂર્ણ સન્માન કરવું જોઈએ.

જોકે, બિલાવલે ભારત સાથે દ્વિપક્ષીય મંત્રણાના અભાવ પર નિરાશા પણ વ્યક્ત કરી હતી. તેમણે કહ્યું કે ભારત અને પાકિસ્તાને વાત કરવી જોઈએ. ખાસ કરીને ક્લાઈમેટ ચેન્જ અને આતંકવાદ જેવા મુદ્દાઓ પર બંને દેશોએ વાત કરવી જોઈએ કારણ કે આ બંને દેશોની સામાન્ય સમસ્યાઓ છે. જો આપણે આ મુદ્દાઓને અવગણીશું તો મુદ્દાઓ ઉકેલાશે નહીં.

બિલાવલ ભુટ્ટોએ પાકિસ્તાનની ટીવી ચેનલ આરવાય ન્યૂઝને કહ્યું, ‘વાત જરૂરી છે, આજે હોય કે કાલે આપણે વાત કરવી પડશે. બંને દેશોના મતભેદો પર પોતપોતાના મંતવ્યો છે પરંતુ આપણે એ ન ભૂલવું જોઈએ કે પાકિસ્તાન અને ભારત જળવાયુ પરિવર્તનથી સૌથી વધુ પ્રભાવિત દેશો છે. આતંકવાદ પણ એક સત્ય છે. ભારત પાકિસ્તાનને દોષી ઠેરવે કે અમે RAWને દોષી ઠેરવીએ આવી સ્થિતિમાં, જો આપણે વાત કરીએ તો આપણે કોઈક રીતે આપણે ભારતીય અને પાકિસ્તાની લોકોના જીવ બચાવવામાં સફળ થઈશું.

બિલાવલે કહ્યું કે જો આપણે ક્લાઈમેટ ચેન્જ જેવા મુદ્દાઓ પર વાત નહીં કરીએ તો બંને દેશોનું ભવિષ્ય અમને માફ નહીં કરે. આપણે બેસીને આનો ઉકેલ શોધવાનો પ્રયાસ કરવો જોઈએ. બિલાવલે એમ પણ કહ્યું કે ભારતીય વિદેશ મંત્રી જયશંકરે તેમની સાથે વાત કરતા પાકિસ્તાની મીડિયાના સવાલોના જવાબ આપવા જોઈએ. બિલાવલે કહ્યું કે જ્યારે તેઓ ૨૦૨૩માં SCO સમિટ માટે ભારત ગયા હતા ત્યારે તેમણે ભારતીય મીડિયા સાથે વાત કરતા સવાલોના જવાબ આપ્યા હતા.

બિલાવલે આ દરમિયાન એમ પણ કહ્યું કે,  પાકિસ્તાને યજમાન હોવાને કારણે SCOની બેઠકને સફળ બનાવવા પર ધ્યાન કેન્દ્રિત કરવું જોઈએ અને મહેમાનોનું ધ્યાન રાખવું જોઈએ.

Read Also India-Canada Relations: Trudeau Faces Criticism in Canada, Even Iranian Journalist Questions Him