ઈઝરાયેલ અને હમાસ વચ્ચે સંઘર્ષ ચાલુ છે. ઈઝરાયલી દળોએ ગાઝામાં એક રેસ્ટોરન્ટ અને એક ઘર પર હવાઈ હુમલો કર્યો. આ હુમલામાં ૧૪ લોકોના મોત થયા હોવાના અહેવાલ છે. રાજધાની બેરૂતના દક્ષિણી ઉપનગરોમાં હુમલો કરવામાં આવ્યો હતો.
ગાઝામાં એક રેસ્ટોરન્ટ અને એક ઘરને નિશાન બનાવીને ઈઝરાયેલના હવાઈ હુમલામાં ઓછામાં ઓછા ૧૪ લોકો માર્યા ગયા હતા. રાજધાની બેરૂતના દક્ષિણી ઉપનગરો પર યુદ્ધ વિમાનોએ હુમલો કર્યા બાદ સેનાએ લેબનોનમાં ઘણા ઘરોને ખાલી કરવાનો આદેશ આપ્યો હતો. ઈઝરાયેલ યુએસની માંગણીઓ પૂરી કરવામાં નિષ્ફળ રહ્યું છે.
ઈઝરાયેલની સેનાએ બેરૂતના દક્ષિણી ઉપનગરોમાં ૧૧ મકાનો ખાલી કરવાનો આદેશ જારી કર્યો હતો, જેના થોડા સમય બાદ આ વિસ્તારો વિસ્ફોટોથી હચમચી ઉઠ્યા હતા. કહેવાય છે કે આ વિસ્તારમાં હિઝબુલ્લાહની મજબૂત હાજરી હતી. જાનહાનિ અંગે તાત્કાલિક કોઈ માહિતી આપવામાં આવી નથી.
સૈન્યએ જણાવ્યું હતું કે આ ઘરો હિઝબુલ્લાહના ઠેકાણાઓ છે, પરંતુ આ દાવાની સ્વતંત્ર રીતે ચકાસણી થઈ શકી નથી. લેબનીઝ સિવિલ ડિફેન્સે જણાવ્યું હતું કે હુમલો ઉત્તરી લેબનોનના એન યાકૂબ ગામમાં મોડી રાત્રે થયો હતો, જેમાં ઓછામાં ઓછા ૧૬ લોકો માર્યા ગયા હતા. તેમણે કહ્યું કે હુમલામાં માર્યા ગયેલા લોકોમાં ચાર સીરિયન શરણાર્થીઓનો સમાવેશ થાય છે અને ૧૦ અન્ય લોકો ઘાયલ થયા છે. આ હુમલા અંગે ઈઝરાયેલી સૈન્ય તરફથી તાત્કાલિક કોઈ ટિપ્પણી કરવામાં આવી નથી. સોમવારે મોડી રાત્રે, મુવાસીમાં વિસ્થાપિત લોકો દ્વારા ઉપયોગમાં લેવાતી એક અસ્થાયી રેસ્ટોરન્ટને ઇઝરાયેલના હુમલામાં નિશાન બનાવવામાં આવી હતી.
Read Also Why Israel is Struggling Against Hamas: A Year After the Conflict Began
