સમરીઃ
‘સ્ત્રી 2’નું ટ્રેલર લોન્ચ થયું ત્યારથી તેનું બઝિંગ છે. મૂળ કલાકારો તેમના નવા સાહસ સાથે સંપૂર્ણ મનોરંજન આપવા માટે તૈયાર હોય તેવું લાગી રહ્યું છે. આ ફિલ્મમાં ઘણા રસપ્રદ કેમિયો હશે. આ ફિલ્મમાં અક્ષય કુમાર પણ કેમિયો કરતો જોવા મળશે.
સ્ટોરીઃ
2018માં રિલીઝ થયેલી શ્રદ્ધા કપૂર અને રાજકુમાર રાવની ફિલ્મ ‘સ્ત્રી’એ દર્શકોનું ભરપૂર મનોરંજન કર્યુ હતું. આ ફિલ્મથી નિર્માતા દિનેશ વિજનના હોરર યુનિવર્સની
શરૂઆત થઈ હતી. જેમાં ‘ભેડિયા’ અને ‘મુંજ્યા’ની સફળતાથી આ હોરર ઝોનરને નવી ચમક મળી હતી.
રાજકુમાર અને શ્રધ્ધા ‘સ્ત્રી 2’માં તેમની ગૅગ સાથે ફરીથી થિયેટરોમાં આવવા માટે તૈયાર છે, જેમાં પંકજ ત્રિપાઠી, અપારશક્તિ ખુરાના અને અભિષેક બેનર્જી પણ છે. આ વખતે ગેંગ ‘સરકાટેના આતંક’નો સામનો કરવા જઈ રહી છે, જે ભયાનક ભૂત છે.
તમને દિનેશ વિજનના હોરર યુનિવર્સની બીજી ફિલ્મ ‘ભેડિયા’માં શ્રદ્ધા કપૂરની ખાસ ભૂમિકા તો યાદ જ હશે. ફિલ્મના મુખ્ય કલાકારો વરુણ ધવન અને કૃતિ સેનન સાથે ‘થુમકેશ્વરી’ ગીતમાં શ્રદ્ધા કપૂર પણ થોડી મિનિટો માટે જોવા મળી હતી. હવે, ‘સ્ત્રી 2’નું નવું ગીત ‘કોઈ ઇતના ખૂબસૂરત કૈસે હો સકતા હૈ’ રિલીઝ થતાં જ એ વાતની પુષ્ટિ થઈ ગઈ છે કે વરુણ ધવન પણ ફિલ્મમાં કેમિયો છે. જો કે, તે જોવાનું રસપ્રદ છે કે કૃતિ સેનન ‘સ્ત્રી 2’માં ‘ભેડિયાની પાર્ટનર અનિકા’ની ભૂમિકામાં શું અજાયબી કરતી જોવા મળશે.
