સમરીઃ
વડાપ્રધાન મોદી બ્રુનેઈમાંથી સિંગાપોર પહોંચ્યા છે. સિંગાપોરમાં પહોંચતા જ વડાપ્રધાન મોદી છવાઈ ગયા હતા.
સ્ટોરીઃ
વડાપ્રધાન નરેન્દ્ર મોદી સિંગાપોર પહોંચી ગયા છે. અહીં તેમનું ઉષ્માભર્યું સ્વાગત કરવામાં આવ્યું હતું. બ્રુનેઈનો પ્રવાસ પૂર્ણ કર્યા બાદ વડાપ્રધાન નરેન્દ્ર મોદી તેમની વિદેશ યાત્રાના બીજા સ્ટોપ સિંગાપુર પહોંચી ગયા છે.
સિંગાપોર પહોંચતા પીએમ મોદીનું ભવ્ય સ્વાગત કરવામાં આવ્યું હતું. વડાપ્રધાન મોદીને આવકારવા માટે NRI પહેલાથી જ હોટલની બહાર એકઠા થઈ ગયા હતા. સિંગાપોરની બે દિવસીય મુલાકાત દરમિયાન વડાપ્રધાન મોદી તેમના સમકક્ષ વડાપ્રધાન લોરેન્સ વોંગ અને રાષ્ટ્રપતિ થર્મન શનમુગરત્નમને મળશે અને દ્વિપક્ષીય મંત્રણા કરશે.
પીએમ મોદી સિંગાપોરના બિઝનેસ લીડર્સ સાથે પણ મુલાકાત કરશે. વડાપ્રધાન જ્યારે જ્યારે વિદેશ પ્રવાસ ખેડે છે ત્યારે તેમની ભારતીય કમ્યુનિટી સાથેની મુલાકાત ખાસ બની રહેતી હોય છે. તેઓ બિઝનેસ લીડર્સને પણ મળે છે. તેઓ હંમેશા બિઝનેસ મેગ્નેટ્સને ભારતમાં રોકાણ કરવા માટે પ્રોત્સાહિત કરતા હોય છે.
