સમરીઃ
આજે મુખ્યમંત્રી ભુપેન્દ્ર પટેલ ૭૮મા સ્વતંત્ર્ય દિવસની પૂર્વ સંધ્યાએ નડિયાદ પહોંચશે. જ્યાં વિવિધ કાર્યક્રમોમાં સહભાગી થવા ઉપરાંત સરદાર વલ્લભભાઈ પટેલના જન્મસ્થળની મૂલાકાત લેશે. આવતીકાલે 15મી ઓગસ્ટની રાજ્ય કક્ષાની ઉજવણીમાં મુખ્યમંત્રી ભાગ લેશે.
સ્ટોરીઃ
૭૮મા સ્વાતંત્ર્ય દિવસની પૂર્વ સંધ્યાએ નડીયાદમાં આયોજીત રાજ્યપાલશ્રી આચાર્ય દેવવ્રતજીની વિશેષ ઉપસ્થિતીમાં નડિયાદમાં આયોજીત એટ હોમ કાર્યક્રમમાં પણ શ્રી ભૂપેન્દ્ર પટેલ જોડાશે. મુખ્યમંત્રીશ્રી ૭૮માં સ્વતંત્ર્ય પર્વની રાજ્યકક્ષાની ઉજવણીના ઉપલક્ષમાં ગુજરાત પોલીસ દ્વારા નડિયાદમાં યોજાનાર શસ્ત્ર પ્રદર્શનનું ઉદઘાટન કરશે.
રાજ્યપાલની પ્રેરક ઉપસ્થિતીમાં ૧૧૮ કરોડ રૂપીયાના વિવિધ વિકાસ કામોના ઈ-લોકાર્પણ, ઈ-ખાતમૂર્હત કરવા સાથે સાંસ્કૃતિક કાર્યક્રમમાં પણ ઉપસ્થિત રહેશે. મુખ્યમંત્રી તા. ૧૫ ઓગસ્ટ ૨૦૨૪, ગુરૂવારે, સવારે ૮.૫૮ કલાકે નડિયાદના એસ.આર.પી. ગ્રાઉન્ડ ખાતે ૭૮મા સ્વતંત્રતા દિવસની ઉજવણીમાં રાષ્ટ્રધ્વજ લહેરાવીને ધ્વજવંદન કરાવશે અને રાજ્યના નાગરિકોને સ્વતંત્રતા પર્વે પ્રજાજોગ સંદેશ આપશે.
